Шәм тотҡан һуҡыр
Ҡараңғы төндә ҡулына шәм, яурыны аша көршәк аҫҡан тома һуҡыр кеше юлдан килә. Уны бер кеше ҡыуып етә лә:
– Һин һуҡырға көн ни, төн ни – барыбер бит, һинең күҙҙәреңдә бары тик ҡараңғылыҡ. Һинең шәм тотоп йөрөүеңдән ни фәтүә? – тип һораған.
Һуҡыр кеше йылмайған да сабыр ғына итеп:
– Был шәм минен өсөн түгел, ә һинең кеүек йөрәктәре һуҡыр кешеләр, килеп бәрелеп, минең көршәгемде ватмаһындар өсөн тигән.
