Гуманитарный класс

Зи кьилел и дуьшуьш атайла за пуд лагьай классда кIелзавай. Захъ сад лагьай классдилай санал кIелзавай дуст авай. Тарсарай чи итижар гьар жуьрединбур тиртIани, чун хъсан дустар тир. Заз гьамиша математика кIандай, зи дустуниз лагьайтIа, виридалайни хъсан урус чIал ва литература чидай.

КIелунин йис акIалтIзавай ва къведай йисуз чи класс дестейриз паюн лазим тир. Гьар са аялди вичиз гьихьтин майил (уклон) авай классда кIелиз кIанзаватIа, хкяна кIанзавай: математикадин ва я гуманитарный. Зазни дустуниз чизвай: им лагьай чIал тир хьи, чна жуьреба-жуьре классра кIелда. И карди чи кефияр чIурна ва зи дустуни заз гуманитарный майил авай класс хкягъун теклифна. Ада вичи заз куьмек гуда лагьана.

Сифтедай зун рази жезвачир, амма зи дустуни зун гьар юкъуз рекьив гъизвай. Эхирни зун рази хьана ва кIелунин цIийи йисуз чна са классда кIелиз хьана. Амма за адавай са затI хабар кьурла ва я куьмек тIалабайла, ада сифтедай вичиз вахт авач лугьуз хьана, ахпа лагьайтIа, зун и классдиз чангьакь атайди я лагьана. Зи дустуниз цIийи классда цIийи дустар хьана ва захъ галаз ада къвез-къвез тIимил вахт акъудзавай.

Зи рикI тIар хьана, амма за адаз са гафни лагьанач. За кIелун давамарна ва регьят туширтIани, заз четинзавай тарсар за чирна. Исятда заз математикадин ва гуманитарный тарсарни хъсандиз чизва ва зун гъавурда акьуна хьи, дустуникай гьикьван заз хъел атайтIани, ам себеб яз заз гзаф затIар чир хьана. За, гьелбетда, фадлай адалай гъил къачунва ва заз кIанзава адан дустар адан патав жедайвал ва адаз къимет гудайвал.

ИЛЬНУР ХАЙРУЛИН, 13 ЙИС, КАЗАНЬ ШЕГЬЕР