Машгъулардай медицина
- Йикъа анжах кьведра хъвер авуналди ивидин давление агъуз ийиз жеда.
- Дишегьлидин рикIи итимдин рикIелай фад-фад кIвалахзава.
- Дишегьлийри итимрилай тахминан кьве сеферда гзаф вилери лупI-лупI ийизва.
- Инсан рахун патал 72 жакIум кардик кутун лазим я.
- 60 йисан яшдив агакьайла чIехи пай инсанрин дад чирдай рецепторрин саки са пай амукьзавач.
- Дуьньяда виридалайни гзаф авай галукьдай азар – сарар кутIун я.
- Чи беденда авай виридалайни кIеви затI – сарарин винел патан цIалцIам къат (эмаль) я.
- Инсанди вичин вири уьмуьрда акьван цуькIуьн арадал гъизва хьи, адалди кьве чIехи гьавиз (бассейн) ацIуриз жедай.
- Инсандин виливай 10 миллион рангарин тавар чара ийиз жеда.
- Инсанди 2-10 секунд ара гуз вилери лупI-лупI ийизва.
- Вилин сетчатка вич ибарат хьунин четинвилиз килигна, 10 миллиард компьтерный операциядиз барабар я.
- Япар вири уьмуьрда чIехи жезва (яни япарин кIвенкIвер).
- Нагагь куьне лап гзаф нез хьайитIа, куь япариз ван хьун зайиф жеда.
- Инсандин тIуб вири уьмуьрда 25 миллион сеферда акIаж жезва.
- Йикъа са пачка пIапIрусар чIугун йиса фенжандин са паюна авай шкьакь (смола) хъуниз барабар я.
- 30 йис хьайидалай кьулухъ инсандин беден гъвечIи жез башламишзава.
- Гъилерин тупIарал алай кикер кIвачерал алайбурулай тахминан кьуд сеферда фад чIехи жезва.
- Вилер ахъаз тирш ягъиз жедач.
- Эгер ратарин вири бактерияр кIватIайтIа, абурай къагьведин фенжан ацIуриз жеда.
- Инсандин дуркIун са миллиондилай артух лап бицIи луьлейрикай (трубочки) ибарат я. А луьлеяр (кьве дуркIундин) сад-садал эхцигайла 65 километрдин мензилдив агакьзава.
- Инсанди вичин вири уьмуьрда 450 килограмм ивидин яру телояр арадал гъизва.
- Инсан тIуьн галачиз 30-40 юкъуз, яд галачиз 3-5 суткада, гьава галачиз 3-6 декьикьада яшамиш жеда.
- Инсанди нефесдихъ галаз акъудзавай гьавадик углекислый газ атмосферада авайдалай 100 сеферда гзаф ква.
- Хуквадин мижедивай ракьун пулар цIуруриз жеда, эгер абур адетдин цIурурай къаришмадикай авунвайбур яз хьайитIа.
- Инсандин вири уьмуьрда чIарар юкьван гьалда 950 километрдиз яргъи жезва.
- Инсандин виридалайни залан бедендин пай – хам я. ЧIехи инсандин хамунай 2,7 кг къвезва.
- Инсандин къене патан виридалайни залан бедендин пай – лекь я, адан заланвал 1,5 кг я.
- Гекъигун патал – рикIин заланвал юкьван гьалда 325 грамм я.
