Главная

Асалдхуьре мавлид-межлис

Асалдхуьре мавлид-межлис

Асалдхуьре мавлид-межлис

6-октябрдиз Стlал-Сулейманан райондин Асалдхуьре мавлид-межлис кьиле фена. Хуьруьн жуьмя-мискlиндин гьаятда тешкилнавай и мярекат Вини Стlалрин имам Гьамидов Ислама Къуръандин аятар кlелуналди ачухна.

 

Межлис Стlал-Сулейманан районда Дагъустандин Муфтиятдин диндиз эвер гунин хилен регьбер Рагьманов Шамила кьиле тухвана. Ада кlватl хьанвайбуруз диндин межлисрин фазилатлувиликай ахъайна.

Гьакlни мярекатдал лезги чlалал акъатзавай «Ас-Салам» газетдин редактор Амаханов Гьасан, Кьурагь хуьруьн имам Къурбанов Юсуф, Асалдхуьруьн имам Гьажиханов Замир, хуьруьн агъсакъал Мустафаев Мустафа ва Шихидхуьруьн агъсакъал Гьажимирзоев Къазила рахана. Абуру Исламдин чирвилерин къиметлувиликай, Мугьаммад Пайгъамбар ﷺ кlан хьуникай ва адалай чешне къачуникай, мусурманрин арада хьана кlанзавай халис стхавиликай насигьатар авуна.

Межлисдин эхирдай вирида санал Аллагь Тааладиз дуьа авуна.

 

2026-08-01 (Сафар 1448 г.) №8.


Дастамаз къачудайла дуьаяр кlелун

Суал: Дуьз рекьелай алатнавай са бязибуру лугьузва хьи, дастамаз къачудайла (гъилер, кIвачер чуьхуьдайла) дуьаяр кIелун бид’а я, гьавиляй абур кIелдай ихтияр авач. И гафар дуьзбур яни?   Жаваб: Ваъ, дуьзбур туш. Дуьа гьина хьайитIани ва мус хьайитIани ийидай ихтияр ава, анжах...


СУАЛ-ЖАВАБ

КапI авурдалай кьулухъ бязибуру кьилелай гъил алтадзава ва са вуч ятIани кIелзава. Ам Шариатда авай кIвалах яни? Ферз тир капI авурдалай кьулухъ кьилин чIараривай гъил гвягъун Сунна (Пайгъамбардин ﷺ рехъ) я. Анас бин Малика лагьана: «КапI авурдалай кьулухъ Пайгъамбарди ﷺ гъил кьиливай...


Исламда мазгьабар гьикl арадал атана?

Са гьихьтин хьайитIани месэладин гьакъиндай къарар кьабулдайла, имамар сифтени-сифте Къуръанда адакай вуч лагьанватIа, гьаниз килигзава.   Эгер анай абуруз жаваб жагъун тавуртIа, абур гьадисриз килигзава. Эгер гьанайни жагъун тавуртIа, а месэладин гьакъиндай асгьабри сад авунвай гафуниз...


Ибрагьим пайгъамбардикай гьакъикъи гьадисар

Са сеферда Ибрагьим пайгъамбардикай асгьабриз ахъайдай чlавуз Мугьаммад Пайгъамбарди ﷺ лагьана: «Гьакъикъатда, Ибрагьим Исмаилахъ ва адан дидедихъ галаз рекье гьатна ва абурув яд авай цел гвай. Исмаилан дидеди а целцяй яд хъваз хьана ва адаз вичин хциз гудай гзаф нек авай, та абур Меккадиз...


Тlебии дарманар

Чи дарманар чи патарив гва. Чна фагьум тагуз, я тахьайтIа, абурукай хабар авачиз, чин тийиз гьикьван менфятлу шейэр гадарзава. Месела, къачун чна гьар хуьрек гьазурдайла ишлемишзавай чичIекар.   Хъуьруьшар гьиниз физва? Гьелбетда, гадарзава. Абуру простатит, аденома авайбуруз лап хъсан куьмекда....