Гунагьар ийизвайбур лянетламишуникай
Гунагьар ийизвайбур лянетламишуникай
Аллагь Таалади лагьана: «Гьакъикъатда, Аллагьдин лянет адалатсузбурал ала!» («Гьуд», 18).
Якъин гьадисра агакьарзавайвал, Аллагьдин Расулди ﷺ лагьана: «Аллагьди ﷻ лянет авунва кутIунзавайди ва кутIун лугьуз тIалабзавайди (яни чIарар гьакI эцигна кутIунун ва а карда масабурувай куьмек тIалабун)», - ва ада (яни Пайгъамбарди ﷺ) лагьана: «Аллагьди ﷻ файдачидин патав физвайди лянет авунва», - ва Ада хъен гузвай суьретар туькIуьрзавайбур (чан алай затIарин) лянет авунва», - ва ада лагьана: «Аллагьди ﷻ сергьятрин лишанар (яни чилерин тайин авунвай сергьятар) дегишарзавайбур лянет авунва», - ва ада лагьана: «Аллагьди ﷻ вечрен кака хьайитIани чуьнуьхзавай угъри лянет авунва», - ва ада лагьана: «Аллагьди ﷻ вичин диде-буба лянет авурди лянетламишнава», - ва ада лагьана: «Аллагьди ﷻ Вичелай гъейри масадаз къурбанд авурди лянет авунва», - ва ада лагьана: «…ва ана (яни Мединада) гунагь авурди, я тахьайтIа гунагь авурдаз чуьнуьх жедай чка гайиди Аллагьди ﷻ, малаикри ва вири инсанри лянетламишда…», - ва ада лагьана: «Я Аллагь ﷻ, ри`ль, закван ва бану усая тайифайрай тир инсанар, чпи Аллагь Тааладин ва Адан Пайгъамбардин ﷺ гафуниз яб тагай, лянетламиша! (А тайифайрай тир инсанри Пайгъамбарди ﷺ бану амир тайифадин инсанриз Къуръан ва Исламдин дибар чириз ракъурай бану сулайм тайифадай тир пудкъанни цIуд кас яна кьенай)», - ва ада лагьана: «Аллагьди ﷻ чпин пайгъамбаррин сурар ибадат ийидай чкайриз элкъуьрай чувудар лянет авуна», ва Ада дишегьлийриз ухшар авай итимар (яни абуру хьиз алукIиз, къекъвез ва рахаз, къастуналди абуруз ухшар жезвай) ва итимриз ухшар авай дишегьлияр.
