Рамазандин варз мубаракрай!

Дагъустандин Муфтий шейх Агьмад-Афандиди уьлкведин агьалийриз пак Рамазандин варз алукьун мубаракна.

«Ассаламу алайкум ва рагьматуллагьи ва баракатугьу!

Гьуьрметлу чи стхаяр ва вахар! За квез виридаз рикIин сидкьидай пак Рамазандин варз алукьун мубаракзава. Гьа и, дугъриданни, шукур авуниз лайихлу вахтунда за квевай тIалабзава, са декьикьани ахъай тавуна, генани гзаф гьакъисагъвилелди, сада-садаз регьим авуналди, Аллагьдиз кIани кIвалахрал машгъул хьун, гафуналди ва я краралди гьар жуьредин куьмекар гун – неики виридалайни мукьвабуруз, гьакI четин гьалда гьатай виридаз.

Играми стхаяр ва вахар, Рамазан – им хъсан крарин, михьи хьунин, сабур ва регьим авунин вахт я, гьавиляй ша чун хъсан крар гзаф ийиз алахъин. И четин вахтунда за Халикьдивай тIалабзава чи руьгь ва рикI мягькемарун, акьул михьи авун ва азаррикай сагъар хъувун. Къуй чаз Аллагь Таалади куьмек гурай и бахтавар вахт виридалайни хъсан жуьреда ибадат ийиз акъудиз. Къуй чна хуьзвай сивер вири гунагьрикай михьи хьунин ва чи вири гунагьрилай гъил къачунин себеб хьурай.

За Халикьдивай тIалабзава чаз берекат гун ва тахсиррилай гъил къачун, хъсан ниятар ва михьи мурадар кьилиз акъудун. Ша чна чи Ватандиз и четин вахтунда сада-садаз дуьаяр ийин, куьмек гун, гьуьрмет ийин, сад-садаз чешне жен ва кьилинди – Аллагьди чаз ганвай вири няметрай Адаз шукур ийин! ТIалабзава Аллагь Тааладивай чаз виридаз сабур гун, и пак йикъар чаз виридаз шадвал гъидайбур авун, вири азаррикай, бедбахтвилерикай ва фитнейрикай къутармишун. Амин».