Ксайла мефтI токсинрикай михьи жезва
Ксайла мефтI токсинрикай михьи жезва
Чна ахвариз жуван уьмуьрдин пуд паюникай са пай харж авун фикирда кьуна, гзаф йисара алимар ахварин къенепатан къурулушдин ва себебрин гъавурда акьаз алахъна. Абур гьакIни ахвариз метлеб гуз алахъна.
Ахтармишунри ачухна хьи, ахварин нетижа – дикъетдин гужлувал хкажун, тIуьр затIар иливарун фад кьиле фин, хамунин гьал хъсан хьун, уяхвал артух хьун ва иммунный къурулуш мягькем хьун я.
Ахтармишуни ахварин мад са артухвал дуьздал акъудна ва ам ахварин асул метлеб ачух авунин карда чIехи ачухун хьун мумкин я. Ахвари йикъан гьерекатрин нетижада мефтIеда кIватI хьайи вири токсинар ва я метаболизмдин къерехдин затIар чуьхвена михьзава.
Америкадин алимрин ахтармишунрал бинелу яз, кьилин мефтIедин клеткаяр, яни нервный клеткайрал чан аламукьунин патахъай жаваб гузвай глиальный клеткаяр, инсан ксанвай вахтунда агаж жезва, нейронрин арада авай мензил артухарна жими затI авахьун патал ва инсан уяхдиз акъвазнавайла кIватI жезвай токсинар мефтIедиз чуьхвена михьдай мумкинвал гудайвал.
Нетижаяр вини дережадин технологийрин куьмекдалди арадал гъана. Шикилди къалурна хьи, инсан уяхзавай вахтунилай ам ксанвайла, кIватI хьанвай токсичный молекулрикай мефтI хейлин фад азад жезва. Кьилин мефтIедин клеткаяр куьруь хьуни клеткайрин арада авай мензилар сагъ са 60% -дин гегьенш хьунал гъизва ва ида юкьван тарцин мефтIедин жими затIуниз адетдин гьалдилай гзаф азаддиз фидай мумкинвал гузва.
Шукур хьуй чи Халикьдиз ﷻ – и важиблу ва надир механизм, чи сагъламвилин ва хъсан кефидин замин хьиз, чаз ахвар багъишай.
