Суалар чи патай, жавабар – куь!
Суалар чи патай, жавабар – куь!
Алатай нумрадин суал ихьтинди тир: «Куьне гьикI фикирзава, «салафизм» вуч я? Салафитар вужар я?»
8922 571 31 ..
Салафитар – Исламдин сифте пуд асирда яшамиш хьайи чи савадлу ата-бубаяр я. Амма алай вахтунда чпиз салафитар лугьудай тIвар къачунвай ягъалмиш десте пайда хьанва. Абур чи дин къеняй чукIурун патал душманри акъуднавай ягъалмиш десте – тапан салафитар я. Нагагь абур дуьз салафитар тиртIа, абур чи мусурман ата-бубайрин рекьяй фидай, яни кьуд мазгьабдикай садаз табий жедай. Абуру лагьайтIа, гафаралди чеб мазгьабдай физва лугьузва, амма крар гьа чпин гафарихъ галаз гьич кьазвач.
8963 372 06 ..
Исятда тапан салафитар акъатнава, абур чеб ягъалмиш я ва масабурни дуьз рекьяй акъудзава.
8988 273 41 ..
Халис салафрикай рахайтIа, абур Исламдин сифте пуд асирда яшамиш хьайи имамар ва алимар я. Исятда авай «салафрикай» рахайтIа, абур чпиз къачунвай тIварцIиз лайилху туш. Абур савадсуз ва гьахъсуз инсанар я.
8928 595 64 ..
Исятда пайда хьанвай «салафитри» мусурманар имансузвиле тахсирлу ийизва. Нагагь вуна абуруз яб гайитIа, абур виридалайни михьи ва хъсанбур я, амма гафарни крар абурун бинедлай тафаватлу я. Нагагь абур дуьз салафитар тиртIа, абуру чи мусурман бубайрин рехъ тухудай, мазгьабар кьадай.
8964 015 32 ..
Исламдин дуьньядиз вагьабитрикай авай еке зарардикай хабар хьайила, мусурманри абуруз акси яз серенжемар кьабулна. Амма вагьабитри чпиз цIийи тIвар къачуна «салафитар» лугьудай. Гуя абур салафу салигь – адалатлу ата-бубайрин рекьяй физва. Абур чпел хипен хам акьалжнавай жанавурар я.
8982 573 93 ..
Салафар – сифте асирра яшамиш хьайи мусурманар я. Алай вахтунда бязибуру чеб салафар я лугьудайла, заз дуьз лагьайтIа, хъуьруьн къвезва. Салафриз 1 процент кьванни нагагь ухшар тиртIа, абуру мусурманриз кафирар лугьудачир…
