Әҙәптәр
Никахлашырға ниәтләгән кешенең әҙәбе
- Кәләш итеп алырға йыйынған ҡыҙҙың диндарлығына иғтибар итеү, аҙаҡ матурлығына һәм унан һуң матди хәленә
- Бер нисек тә, «шундай-шундай әйберҙәрҙе килтерерһең» тип, шарт ҡуймау
- Дин ҡәрҙәшең һоратҡан ҡыҙҙы һоратмау
- Раббынан йыраҡлаштыра торған йәки кәмһетә торған ғәмәлдәр ҡылмау
- Ситтән күренеп торған урында кәләш менән икәүҙән-икәү ҡалмау
- Туғандары алдында кәләште үпмәү, икәүҙән-икәү ҡалғанда ғына үбергә ярай
- Яусыны яҡын ҡәрҙәштәрҙән, ышаныслы һәм ғәйбәт таратмағандарҙан һайлап алырға кәрәк.
- Ҡыҙҙың диндарлығы, намаҙ ҡылыу-ҡылмауы, тыйнаҡлығы, сафлығы, һөйләшкәндә тел байлығы, өйҙән сығыу-сыҡмауы, ата-әсәһенә мөнәсәбәте менән ҡыҙыҡһыныу
- Ҡыҙҙы димләр алдынан ҡыҙҙы йәшенеп ҡарау лазым. Ата-әсәһенең холҡо, дине һәм ғәмәлдәрен белешеү кәрәк.
Һоратырға килгән ҡыҙҙың әҙәбе
Тәүҙә уға һоратып килгән егеттең динен, мәҙһәбен, шәхси һәм әхлаҡи сифаттарын белешеү лазым. Таныштары аша кемдәр менән аралашыуын, намаҙын яңғыҙ ҡыламы, әллә йәмәғәт менән ҡыламы икәнлеген, сауҙала һәм эшендә ғәҙеллеген дә белешеү кәрәк. Беренсе планға ул буласаҡ йәмәғәтенең байлығын түгел, ә диндарлығын, атаҡлы булыуын түгел, ә эске күркәмлеген алға ҡуйырға тейеш. Эшләп алған килеме менән ҡәнәғәт булып, бойороҡтарын үтәргә ҡарар итергә тейеш. Бер-береңә эҫенеү, мөхәббәт барлыҡҡа килеүе лә бик мөһим.
Енси яҡынлыҡтың әҙәбе
- Хуш еҫле майҙар һөртөү
- Йомшаҡ итеп һөйләшеү
- Мөхәббәт тураһында һөйләшеү
- Дәртле үбешеү
- «Бисмилләһ»те әйтеү
- Енси ағзаларға ҡарамау, сөнки был күҙҙең насарайыуына килтерә
- Бер юрған менән ябыныу
- Енси яҡынлыҡ мәлендә Ҡибла йүнәлешендә ятмау
