Татлы рулет

Кирәк:

4-5 данә йомырка;

1 стакан шикәр комы;

2 зур кашык сыек май;

1 стакан он;

кечкенә кашык очы белән генә тоз.

Әзерләү ысулы:

Йомырканы агын һәм сарысын аерырга. Сарысына тоз һәм ярты стаканнан кимрәк шикәр комын салып болгатып кабартырга. Бу массага сыек май һәм онны салып болгатырга. Йомырканың агына калган шикәр комын салып миксер белән кабартып алдан әзерләгән массага кушарга. Бу массаны дүрпочмаклы табага салырга, аз гына өлешенә какао салып бизәк ясап куярга да була.

Духовканы 180 градуска кадәр җылытып, 20 минутка тыгарга. Эчлек өчен джем һәм төрле куерак кайнатма кулланырга була. Шулай ук кайнатып ясалган крем белән дә бик тәмле була.

Чәйләрегез тәмле булсын!