Гаҗәеп план
Гаҗәеп план
Йосыф галәйһиссәламнең балачагы бик авыр була. Ул бәләкәй малай булганда аның көнче туганнары аны тирән сусыз коега ташлыйлар. Алар аңардан котылырга телиләр, чөнки әтиләренең яратуын аның белән бүлешәселәре килми. Йосыф галәйһиссәлам ярдәм сорап кычкырса да, туганнары аны шул коеда үләргә калдыралар. Әмма Аллаһ Тәгаләнең аңа карата башка планнары бар иде.
Йосыф галәйһисәлам Аллаһка ихластан ышана иде һәм Аллаһ Тәгаләнең ярдәме булачагына инанган иде, шуңа күрә ул бернәрсәдән дә курыкмады. Аллаһ Тәгалә аңа ярдәмен бирде.
Ул әйтте: "Бу җәфалардан, әлбәттә, бер көнне котылырсың да сиңа кылган явызлыкларын үзләренә сөйләрсең" (12:15)
Йосыф коеда сусыз, ризыксыз өч көн торганнан соң, ниһаять аны Мисырга таба баручы сәүдәгәрләр табып ала. Мемфиста алар малайны 20 дирһәмгә мәшһүр кешегә сатып җибәрәләр. Ул Йосыфны үз улы кебек карап тәрбияләп үстерә, аңа гыйлем бирә. Йосыф галәйһиссәләм бик сәләтле һәм хикмәтле ир кеше булып үсеп җитә, соңрак ул Мисырның вәзире була.
Моннан аңлашылганча, Йосыф галәйһиссәлам өчен кое бөек үрләргә ирешүнең беренче баскычы була, кечкенә генә бер авылдан чыккан малай ул заманның иң беренче урында торган Мисыр шәһәренә килеп ирешә һәм соңыннан вәзир дәрәҗәсенә кадәр күтәрелә. Аллаһның теләге – мөэминнәр өчен һәрвакыт хәерлерәк. Авырлык булып күренгән нәрсә игелеккә әйләнә. Без һәрвакыт үзебезне Аллаһка тапшырырга тиеш булабыз.
