Хәбибулла ишан Хансөяров мөридләреннән

Раббым Аллам, Мәүләм (Хуҗам) Сән,

Тән яраттың, бирдең җан,

Раббым Аллаһ, фазлың берлән

Бир Илаһым нурлы иман

Ай һу җәнәнә (йөрәгемдә) Аллаһ,

ай һу, җәнәнә Аллаһ.

Яратканым бер Аллаһ,

Аның икенчесе юк,

Җөмлә коллар эчендә

Миннән гөнаһлысы юк,

Ай һу җәнәнә Аллаһ, ай һу,

җәнәнә Аллаһ.

Яраткан Ул ким сине,

Теләрсең дип тәүбәне,

Ярлыкар ул бәндәне,

Сал күңелеңә Аллаһны,

Ай һу, җәнәнә Аллаһ, ай һу,

җәнәнә Аллаһ.

Бу дөньяга бакмагыз

Гафил булып ятмагыз,

Хәзрәт Кәбәм биргәнне

Ике күзләп саклагыз,

Ай һу, җәнәнә Аллаһ, ай һу,

җәнәнә Аллаһ.

Бу дөньядан туйганнар,

Хәзрәт белән булганнар.

Хәзрәт Кәбәм биргәнне

Кальбләренә куйганнар.

Ай һу, җәнәнә Аллаһ, ай һу,

җәнәнә Аллаһ.

Хәзрәт Кәбәм, кадереңне белгән

Дуслар буш булмас.

Хәзрәт Кәбәм шәфкатеңдә булган

Ике җиһан хур булмас.

Ай һу, җәнәнә Аллаһ, ай һу,

җәнәнә Аллаһ.