Гыйбадәттәге тәкәбберлек

Бөек галим хәзрәти Баязит Бистами (Аллаһның рәхмәтендә булсын) кырык биш тапкыр хаҗ кылган. Бервакыт Гарәфәт тавында торганда үз нәфесе аңа: «Ий, Баязит! Җир йөзендә сиңа охшаган берәр кеше бармы? Син кырык биш хаҗ кылдың һәм меңнән артык тапкыр Коръән укыдың!»...

Хәзрәти Баязитне бу уй күңелсезләндерде. Ул шундук урыныннан торып тирә-юньдәгеләргә мөрәҗәгать итеп: «Кем минем кырык биш тапкыр кылган хаҗымны бер кисәк икмәккә алмаштыра?» - дип сорады.

Шунда бер бер ир кеше башын күтәреп: «Мин алам!», - диде. Хәзрәти Баязит Бистами ипине алып эт каршына ташлады.

Шулай итеп, хәзрәти Баязит дини хезмәтләренең бәясен төшерде, чөнки үзенең нәфесендә тәкәбберлек хисләре барлыгын тойды. Ипине эткә ашатып, ул бу казанышлар горурланырга сәбәп түгеллеген күрсәтте.

Бу гамәл тәкъвалы кешеләрнең уй-кичерешәләрен һәм тышкы яктан гына түгел эчке халәтләрен дә тулысынча күзәтеп яшәүләре күренә. Чөнки тәкәбберлек ул белем, гыйбадәт кылу һәм игелекле эшләр аша йөрәккә үтеп керә ала. Шуңа күрә кеше һәртөрле яхшылыкның Аллаһы Тәгалә тарафыннан үзенә бирелгәнлеген истә тотарга, үз кимчелекләрен күрергә һәм үзен башкалардан яхшырак дип санамаска тиеш.