Зәй мөхтәсибәтендә Ялчыгол укулары

Зәй мөхтәсибәтендә Ялчыгол укулары

Зәй мөхтәсибәтендә “Таҗетдин Ялчыгол мирасы буенча эзләнүләр һәм аларның тарихи әһәмияте” темасына XIII фәнни-гамәли конференция үтте. Әлеге чара күренекле татар мәгърифәтчесе, дин эшлеклесе, галим, язучы Таҗетдин Ялчыголның (1768-1838) тормыш юлына һәм иҗатына багышланды.

Конференциягә танылган мөселман дин әһелләре, галимнәр, мөгаллимнәр һәм башка шәрәфле кунаклар җыелды.

Әлеге чара Зәй районы Имәнлебаш авылында Таҗетдин Ялчыголның каберен зиярәт кылу белән башланды. Биредә Равил хәзрәт һәм конференциядә катнашучылар мәгърифәтче рухына дога кылды.

Конференциянең төп өлешендә мәгърифәтче иҗатына һәм аның татар мәгарифе тарихындагы роленә багышланган чыгышлар яңгырады.

Җыенда катнашучыларны Татарстан Мөфтие Камил хәзрәт Сәмигуллин исеменнән аның урынбасары Равил хәзрәт Зөфәров сәламләде. Бөтендөнья татар конгрессының җирле бүлегенә чараны үткәрүләре өчен рәхмәтен белдерде һәм аның Таҗетдин Ялчыгол хезмәтләрен өйрәнүдә чираттагы мөһим адым булып торуын әйтте.

Конференциянең фәнни өлешендә Казан федераль университеты профессоры, академик Хатыйп Миңнегулов, Яр Чаллы дәүләт педагогика университеты профессоры Рәфис Шәймәрданов, ТР Язучылар берлеге әгъзасы Рухия Ахунҗанова, язучы Марсель Гарипов һәм Яр Чаллының 77 нче гимназиясенең татар теле укытучысы Рәмзия Җиһаншина чыгыш ясады. Дамир Ахунов нәсел дәвамчыларының Ялчыгол мирасын өйрәнүдәге эшчәнлеге турында сөйләде.

Моннан тыш, конференция кысаларында Зәйдәге Р.Ш.Фәрдиев исемендәге татар гимназиясендә булды. Фотосурәт: Заинск-Информ.

2026-08-01 (Рабигыль-әүвәл 1448 ел.) №8.


Ата белән ул арасы-ндагы гаҗәеп мөнәсәбәт

Габдуллаһ ибне Мөбарәкнең (Аллаһның рәхмәтендә булсын) атасы кол булган. Ул хуҗасының бакчасында хезмәт иткән. Беркөнне хуҗасы бакчага кереп: «Улым! Миңа гранат китер», - дип сораган.   Мөбарәк гранатны алып хуҗасына биргән. Хуҗа аны татып карый да бик әчы булуын аңлый, хәтта...


Кайбыч мөхтәсибәтендә «Кошман укулары» фәнни конференциясе узды

Кайбыч районы Кошман авылында «Кошман укулары» фәнни конференциясе узды, ул сөннәтче бабайларның роле һәм әһәмиятенә багышланды – алар ир балаларны сөннәткә утырту белән шөгыльләнгән.   Әлеге чараны Кайбыч мөхтәсибәтенең Кошман авылы мәчете һәм Казанның Ислам динен кабул...


Балтачта XIX Россиякүләм мөселман балалар Сабан туе узды

Балтач районы Бөрбаш авылында традицион XIX Россиякүләм мөселман балалар Сабан туе узды. Бәйрәмдә 3 меңнән артык кеше катнашты: Балтач, Арча, Әтнә һәм Кукмара районнарыннан, Ульян, Киров өлкәләреннән, Башкортстан һәм Марий Эл республикаларыннан һәм башка төбәкләрдән шәрәфле кунаклар, балалар һәм...


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...


Заманча сәнгатьтә «шамаил»

Шамаил – ул халык күзаллавында бертөрле гади генә күренеш түгел. Мондый каллиграфик рәсемнәрне нинди гыйбарә сурәтләнүенә карап еш кына эчтәлеге буенча атыйлар. Мөселман рәсеменең төп үзенчәлеге аның стилендә: ул Ислам каллиграфиясе сәнгатеннән үсеп чыккан, остаздан укучыга иснәд (чылбыр) аша...