V Бөтенроссия Коръән укучылар бәйгесендә Әлмәт шәкерте җиңүче булды

V Бөтенроссия Коръән укучылар бәйгесендә Әлмәт шәкерте җиңүче булды

Рамазан ае алдыннан Саратов Җәмигъ мәчетендә V Бөтенроссия Коръән укучылар бәйгесе узды.

Ул ел саен Россиянең күренекле хәйриячесе һәм җәмәгать эшлеклесе Эдуард хаҗи Ганиев (1948-2019 еллар) истәлегенә үткәрелә.

Бәйгене Саратов өлкәсе мөселманнары Диния Нәзарәте, РФ мөселманнары Диния нәзарәте, Идел буе мөселманнары Диния нәзарәте һәм «Зәйд бин Сабит» Коръән үзәге оештырды. Конкурска Мәскәү, Пенза, Саратов өлкәләреннән, Татарстаннан, Дагыстаннан, Чечнядан һәм Ставрополь краеннан мөслимәләр җыелды.

Бәйге ике номинациядә узды:

«Коръәннең 30 нчы җүзен яттан белү» (12 яшькә кадәрге катнашучылар өчен);

«Тулы Коръән текстын яттан белү» (25 яшькә кадәрге катнашучылар өчен).

Бәйгедә Татарстанның Әлмәт мәдрәсәсеннән 19 яшьлек Айсылу Хаҗиева җиңде. Ул «Тулы Коръән текстын яттан белү» номинациясендә җиңү яулады. Казаннан 10 яшьлек Газизә Мифтахетдинова «Коръәннең 30 нчы җүзен яттан белү» номинациясендә беренче урынны алды. Ул Коръәнне Казан шәһәренең «Бохара» мәчетендә Коръән өйрәнә. Ә Казаннан 18 яшьлек Сәлсәбил Хәнәфиева « Тулы Коръән текстын яттан белү» номинациясендә икенче урынны алды.

Мөслимәләрнең чыгышын Коръән буенча абруйлы жюри бәяләде. Татарстанның баш казые Җәлил хәзрәт Фазлыев һәм Ислам динен кабул итүгә 1000 ел исемендәге мәдрәсә директоры Ильяс хәзрәт Җиһаншин исә шәрәфле кунаклар булды.

РФ мөселманнары Диния нәзарәте матбугат хезмәте материаллары буенча.

Фотосурәтләр Саратов өлкәсе мөселманнары Диния нәзарәте матбугат хезмәте тарафыннан тәкъдим ителде.

 

 

2026-08-01 (Рабигыль-әүвәл 1448 ел.) №8.


РИИда һәм КИУда чыгарылыш курс шәкертләренә дипломнар тапшырдылар

Россия ислам институтында һәм Казан ислам университетында чыгарылыш курс шәкертләренә дипломнар тапшыру тантанасы узды. Күркәм гадәт буенча әлеге чара Коръән укып дога кылу белән башланды, аннары ректор Рәфикъ Мөхәммәтшин чыгыш ясады. Ул чыгарылыш курс шәкертләрен тәбрикләде һәм бу аларның...


Әниләргә бала тәрбияләүдә берничә гамәли киңәш

Мөселман балаларына шәхси гигиенадан башлап финанс мәсьәләләрендә, шулай ук куркынычсызлык буенча киңәшләргә кадәр өйрәтергә кирәк булган зур булмаган, ләкин гаять мөһим әйберләр исемлеген тәкъдим итәбез.   Коръәндә һәм сөннәттә безгә, мөселманнарга, тормышны, аның төрле сикәлтәле урыннарын...


Шәкертләр әдәбе

Чәй эчкәннән соң, киемнәрегезне киеп укырга барыгыз, чыгып китәр алдыннан ата вә аналарагызының кулларын үбеп, ризалыкларын алыгыз, туганнарыгыз белән күрешеп: “Аллаһы Тәгалә юлына чыктым, Аллаһы Тәгалә миңа тәүфикъ бирсә иде”, - дип, нечкә күңел вә ихлас белән мәктәп юлына...


Тәсбихымда әни җылысы

Тәсбих тартам хөрмә төшләреннән, Күчкән миңа әнием кулыннан. Йөзләремдә иман нуры балкый Төймәләргә иңгән тыныңнан... Төймәләрен тезеп, чук кырына Барсын уйлап алдан күңелең. Янып торган ташлар куйгансың син, Караңгыда да,- дип,- күренсен. Тәхәҗҗүдкә торсын кызларым,- дип, Озак йокы- йөрәк...


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...