Татарстан делегациясе Кытайдагы тарихи татар мәчетендә булды

Татарстан делегациясе Кытайдагы тарихи татар мәчетендә булды

Татарстан делегациясе Кытайдагы тарихи татар мәчетендә булды

Кытайның Синьцзян – Уйгыр автоном районының Өремче шәһәрендә республика Рәисе Рөстәм Миңнеханов җитәкчелегендәге Татарстан делегациясе тарихи татар мәчетендә булды. Делегация составына шулай ук Мөфти Камил хәзрәт Сәмигуллин да керде.

Өремче шәһәрендәге татар мәчете – иң борынгылардан санала һәм ул халык яратып йөри торган истәлекле урыннарның берсе. Мәчет 1897нче елда җирле татарлар акчасына төзелгән. Дини комплекс меңнән артык дин кардәшебезне сыйдыра һәм шәһәрнең төрле халкы, шул исәптән уйгырлар, татарлар, казаклар һәм дунганнар тормышында мөһим роль уйный.

Әлеге мәчеткә сәфәр барышында Татарстан Рәисе Рөстәм Нургали улы һәм Мөфти Камил хәзрәт гыйбадәт йортының имамы, Коръән хафиз Абдуррәхим хәзрәт белән очрашты һәм аны ел саен үткәрелә торган Изге Болгар җыенына чакырды. Очрашу ахырында Камил хәзрәт мәчеткә яңартылган “Казан басмасы” мүсхәфләрен бүләк итте һәм Коръән укыды, ә имам исә дога кылды.

2026-08-01 (Рабигыль-әүвәл 1448 ел.) №8.


Әниләргә бала тәрбияләүдә берничә гамәли киңәш

Мөселман балаларына шәхси гигиенадан башлап финанс мәсьәләләрендә, шулай ук куркынычсызлык буенча киңәшләргә кадәр өйрәтергә кирәк булган зур булмаган, ләкин гаять мөһим әйберләр исемлеген тәкъдим итәбез.   Коръәндә һәм сөннәттә безгә, мөселманнарга, тормышны, аның төрле сикәлтәле урыннарын...


Безнең күзләр бар нәрсәне дә күрәме?

Максат: Аллаһның кодрәтенә, Коръәндәге дәлилләргә ышандыру. Фәрештәләр, шайтан турында мәгълүмат бирү. Үз эшләреңне, гамәлләреңне бәяләргә өйрәтү, ярамаган эшләрдән тыелу, тәрбияләү. «Әгүүзү билләһи миннәш шәйтаанир-раҗиим» сүзен өйрәтү.   Шөгыль барышы: Балалар, бирегә килегез...


РИИда һәм КИУда чыгарылыш курс шәкертләренә дипломнар тапшырдылар

Россия ислам институтында һәм Казан ислам университетында чыгарылыш курс шәкертләренә дипломнар тапшыру тантанасы узды. Күркәм гадәт буенча әлеге чара Коръән укып дога кылу белән башланды, аннары ректор Рәфикъ Мөхәммәтшин чыгыш ясады. Ул чыгарылыш курс шәкертләрен тәбрикләде һәм бу аларның...


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...


Балтачта XIX Россиякүләм мөселман балалар Сабан туе узды

Балтач районы Бөрбаш авылында традицион XIX Россиякүләм мөселман балалар Сабан туе узды. Бәйрәмдә 3 меңнән артык кеше катнашты: Балтач, Арча, Әтнә һәм Кукмара районнарыннан, Ульян, Киров өлкәләреннән, Башкортстан һәм Марий Эл республикаларыннан һәм башка төбәкләрдән шәрәфле кунаклар, балалар һәм...