«Аятел-Көрси “ аятенең өстенлеге

“Аятел-Көрси» — Коръән аятьләренең сәйиде. Әбү Һөрәйрәдән (Аллаһ аңардан разый булсын) риваять ителгән хәдистә әйтелгән: «Чыннан да, һәрнәрсәнең түбәсе бар, әл-Бәкара сүрәсе – ул Коръәннең түбәсе, һәм бу сүрәдә Коръәннең барлык аятьләренең хуҗасы булган аять бар. Бу - Аятел-Көрси». (Тирмизи).

Бу аятьнең фазыйләтләре бик күп. Аятел-Көрси аятенең сыйфатларын тасвирлаучы хәдисләрне китерик.

1. «Аятел-Көрси» укыла торган йортта җеннәр һәм шайтаннар озакка калмаслар. Пәйгамбәребез галәйһиссәлам әйтте: «Әл-Бакара сүрәсендә иң мәһабәт аять – Аятел-Көрси. Аны өйдә кем укыса, аннан бөтен шайтаннар китәчәк « (Хәким).
2. Бу – җәннәткә керүгә сәбәп һәм икенче намазның вакытына кадәр Аллаһы Тәгалә яклавы астында йөрүгә сәбәп булып тора. Әбү Умәмә (Аллаһ аңардан разый булсын) китергән хәдистә әйтелгән: «Кем дә булса аятел-Көрсине мәҗбүри догалардан соң укыса да, аңа җәннәткә керергә бернәрсә дә комачауламас, аңа бары тик үләргә генә кала», - дип язылган. Икенче бер хәдистә: «кем дә кем фарыз намаздан соң «Әл-Көрси» аятен укыса, икенче намазына кадәр Аллаһы яклавында булыр», - дип язылган.
3. «Аятел-Көрси»ны укыган кеше төрле сихерләрдән, күз тиюдән һәм җеннәрдән котылачак. Пәйгамбәребез галәйһиссәлам әйтте: “Аятел-Көрсине иртән укыган кеше кичкә кадәр Аллаһы Тәгалә яклавында булыр, ә кичен укыган кеше икенче намазга кадәр Аллаһы Тәгалә яклавында булыр « (Нәсәи).
4. Йоклар алдыннан укыган кешене һәм аның балаларын җеннәрдән алып таң атканчыга кадәр саклый. Пәйгамбәребез галәйһиссәлам әйтте: “Йокларга яткач, аятел-Көрси укы, дөреслектә, синең яныңда һәрчак Аллаһы Тәгаләдән саклаучы булыр, иртән уянганчы шайтан сиңа якынлаша алмас».
5. «Аятел-Көрси» ризыкның бәрәкәтен арттыра уңышларга ирешергә ярдәм итә. Гайшәдән (Аллаһ аңардан разый булсын) риваять ителгән хәдистә китерелә: Пәйгамбәребез галәйһиссәлам янына бер ир кеше килде һәм үзенең өендә бәрәкәт юклыкка зарланды. Шуннан соң Аллаһның Илчесе галәйһиссәлам: «Ә син Аятел-Көрси укымыйсыңмыни?» – дип сорады. Аннан дәвам итеп: “Әгәр берәр ризыкка Аятел-Көрси укысагыз, Аллаһ аны бәрәкәтле итәчәк һәм ризыкны арттырачак».
6. Авыр вакытларда бу аять Аллаһы Тәгаләнең яклавын бирә. Пәйгамбәребез галәйһиссәлам әйтте: «Кем дә кем Аятуел-Көрсине һәм Бакара сүрәсенең соңгы аятьләрен авыр вакытларда укыса, аңа Аллаһ ярдәм итәр». Шулай ук “Аятел-Көрси « иртәнге һәм кичке зикер һәм шәригать белән дәвалаганда (рукъйә) укыла.

 Моның соңында шуны дв билгеләп үтәргә кирәк: бу аятьне өйрәнгән һәм аны даими укыган кеше Аллаһы Тәгалә яклавында булачак. Бу аять төрле бәла-казалардан, кайгы-хәсрәтләрдән саклану һәм бәрәкәтне, ризыкларны арттыру сыйфатларына ия. Шулай ук, әлеге аятьне даими укучы кеше Аллаһы Тәгаләнең рәхмәте белән зур әҗер-савап алачак.