Арзу салаты
Арзу салаты
Кирәк:
Помидор – 1 данә;
Руккола – 1 уч;
Зәйтүн – 20 данә;
Моцарелла сыры – зур булмаган бер кисәк;
Казылык – берничә кисәк;
Тозланган вак кыяр – 1 данә;
Арыш икмәге – бер телем;
Чипслар – 1 уч;
Күз белән чалымлап зәйтүн мае, сарымсак, тоз.
Әзерләү ысулы:
Помидорны ваклап турыйбыз. Руколланы юып әзерлибез. Яшел зәйтунне салабыз. Моцарелланы ваклыйбыз. Казылыкны турап салабыз. Тозлы кыярны (корнишонны) шакмаклап кисәбез. Арыш икмәк кисәкләрен өстибез. Салатны өстән үзегез яраткан чипслар белән бизибез.
Салат әзер! Зәйтүн мае белән үлән тозы кушабыз. Теләсәгез, сарымсак, үләннәр кебек тәмләткечләр өсти аласыз.
Ашларыгыз тәмле булсын!
