Алма пирогы

Алма пирогы

Камыр өчен кирәк:

100 гр (ярты пачка) ак май (бүлмә температурасындагы);

100 гр шикәр комы;

Чеметеп тоз;

50 гр эремчек

(эремчек булмаса, аның урынына 2 кашык сөт салырга мөмкин);

1 кап (10 грамм) ванильле шикәр;

Он (камыр басарлык булганчы, күпме үзенә ала);

1 чәй кашыгы сода яисә кабарткыч.

Әзерләү ысулы:

Май, шикәр комы, эремчек яисә сөт, ванильле шикәр комы, тоз, он салып камыр басарга. Камыр майлы килеп чыга, 10 минутка суыткычка куеп торсаң да була.

Эчлек өчен: алманы вак итеп турарга һәм шикәр комы кушып табада пешереп, кыздырып алырга (суы чыгып бетергә тиеш).

Камырның 4 тән 1 өлешең өске тасмалар өчен калдырып, күбрәк өлешен табага җәеп, кырларын күтәртеп формалаштырырга. Алманы салырга. Тасмалар белән бизәргә.

180 градуста 25-30 минут пешерергә.

Кайнар килеш тә (өстенә туңдырма да салсаң), суынгач та тәмле, суыткычта торса (2-3 көн тора ала) бигрәк тә тәмле була.