Маконе, ки ҳар як сайёҳ бояд онро бинад
Маконе, ки ҳар як сайёҳ бояд онро бинад
Дар яке аз рӯзҳои фасли баҳор, ки атроф ҳама гулпӯш буд, мо як гурӯҳи дӯстон ба тамошои яке аз гӯшаҳои хушманзари таърихии ноҳияи Муъминобод – “Чилдухтарон” сафар кардем.
Чилдухтарон дар ҳақиқат маконест, ки инсон дар он ҷо аз зебогии гирду атрофи пур аз гулу буттаҳо, сабзаву дарахтони пур аз мева, манзараи нотакрор, оби сарду дармонбахш ва боду ҳавойи форам лаззат мебарад, руҳаш болида мегардаду худро хушҳол ҳис мекунад, чунин менамояд, ки мисли парандаи хушхон дар осмони софу беғубор парвоз мекунад…
Ин табиати зеборо куҳҳои осмонбӯси пур аз сиру асрор иҳота намудааст. Дар асл ин муҷассамаҳо барои ҳар як тамошобин олиҳаи зебойӣ, рамзи покию ватанпарастистӣ медиҳад. Куҳи “Чилдухтарон” байни мардуми дохилу хориҷ аз покдомани занони тоҷик ривоят мекунанд. Вақте душман ба ин сарзамин ҳуҷум мекунад, як гуруҳи духтаронро дастгир кардан мехоҳанд, то ба мақсади нопокашон бирасанд. Духтарон аз Худованд илтиҷо мекунанд, ки бо душман рӯ ба рӯ нашаванд, дуои ҳар кадоми ин онҳо мустаҷоб мешавад, онҳо дар ҳамон замон ба санг мубадал мегарданд ва тандиси ин чиҳил духтар, имрӯз бо номи “Чилдухтарон” машҳур аст.
“Чилдухтарон”, яке аз ҷойи хушманзараи ноҳияи Муъминобод аст, ки ҳама метавонанд аз тамошои он лаззат баранд.
САЁҲАТИ ҶУМАХОН,
донишҷӯйи курси сеюми ДМТ
