Мекка шагьриз...
Мекка шагьриз...
Кьасумов Амир Мирзаевич,
Жулжагъ гъул.
Дагъустан Республикайин культурайин лайикьлу работник (2004 й).
РФ-йин журналистарин Союздин член (2005 й).
РФ-йин уьмуми образованияйин лайикьлу работник (2006 й).
РФ-йин президентин грантдин сагьиб (2009 й). РФ-йин мялимарин устадвалин бина конкурсдин дипломант (1 степен, 2017 йис.)
Мекка шагьриз
Гъафний жугьдар
Тухумдиан
Бану Надир.
Кьурайшитар
Хъпехъурайи,
Хъа жугьдари
Кlури айи:
-Гъачай, ухьу
Сатlи духьну,
Тlанкь апlурхьа
Мусурман ксар.
Кlура ухьуз
Аьлимари,
Ислам динтlан,
Ихь ву дугъри.
Артухъ гафар
Лазимра дар.
Мединайиз
Гьюжум апlуз
Вари тухмар
Сатlи шулхьа.
Мициб теклиф
Кьабул дубхьну,
Абусуфьян
Лап шад гъахьну:
-Пай апlурхьа
Гъабхьи бегьер
Хурмийирин
Дявдиз гъафи
Варидариз.
***
627-пи йис, Шаввалин ваз
Йицlуд агъзур
Бутперезар
Гьязур духьну
Айи гьюжмиз.
Хъа душмандин
Пис ниятар
Мялум вуйи
Мусурмнариз.
Шагьур уьбхюз
Гьязур шула,
Душмнин гьяйвнар
Ахьуз дина
Ерккури а
Шубуб метркьан
Яркьу архар,
Ягълишинра
Ву гьадмукьан.
Мициб аьмал
Кlваин гъапlур
Ву персарин
Аьрис Салман.
Рюгьнак ялав
Капlри айи
Ихь Пайгъамбри
***
Хьуд йигъ гъушу ,
Саб геренси,
Душман хъуркьу,
Гъиву бина
Шагьрин гъвалахъ,
Дирибккнайи
Арх гъябкъиган,
Гучl гъабхьнийи.
Мугъаятди
А аьсгьябар,
Планар дигиш
Апlуз ккундар.
Хъа душманди
Гьюжум апlуз
Абгури а
Саб зяиф йишв.
Хъа мусурмнар
Хьади чlимрар
Дийигъну а,
Асланарси.
Аьли гъафи
Улихьнаси,
Вартlан гужлир
Вуйи Амра
Ал гьяйвниин.
Магьа думу
Элдеънийи
Ва гъивнийи
Дишла гъилинж.
Аьлди, дупну
«Аллагьу акбар!»,
Гъиву душмниз,
Кубкlу дугъак,
Рачачури,
Жил`ин дахъу
Дишла думу.
Кьюрсан багахь
Шули айи –
Санур ахъу
Архназди му,
Тмунур гьергу,
Яракь дипну.
Дяви гъабхьи
Хъана гъизгъин,
Бутперезар
Дахьра жил`ин,
Вуйиганси
Мурар зимзар.
Шули адар
Шагьриъ архьуз.
Ригъ алабхъру
Вахт дубхьнайи,
Кьан ву гъудгниз,
Амма душман
Сикин шулдар.
Пайгъамбри
(Салават ва
Салам дугъаз)
Гъубху дюаь:
-Гъит, Аллагьди
Хулак, накьвдик
Цlа кипри чпин,
Ухьуз гъудгниз
Манигъвалар
Апlбан. Амин!
Хъа Са`дикди,
Заргну хилар,
Аьгьт апlура
Сар Аллагьдиз
Кьисас апlуз
Пис душмандиз
Пайгъамбар ва
Дин бадали,
Учв чlивиди
Миди жил`ин.
***
Хъа мусурман
Кьушмарин гьял
Гъагъи шула
Йигълан-йигъаз.
Аьмал апlуз,
Айтlан бикьуз
Йикьрар гъапlу
Ихь Пайгъамбри
Тухум бану
Гатафатдиз
Цци хурмйирин
Бегьернакан
Шубубпи пай
Тувуз теклиф
Дивну айи.
Ансарари
Дишла гъапи:
-Душмандиз ич
Къадми яракь
Гьязур вуйич.
