Зикрин сирар
Аллагь адар тек сартIан,
Шерик адрур чаз учвтIан.
Дугъан мюрид гъаши кас
Марцц ву, бабан шинтактIан.
Му йикьрарнаъ муддам йихь,
Эй, дин гъардаш, уягъ йихь!
Хуш девранар хъаърашра,
Аькьибат аьжал ву ихь.
Ибхну кIул, уьлчIюкь улар.
Халватнаъ учIв, ккебгъ зикир.
Дюн’яйихъан хъадабтI ул,
ГукIни апIин кIван гъапйир.
Душв’ан шейтIан гьебгди яв,
Иманди бин ккебгъди яв.
Явна Аллагьдин ариъ
Манзил багагь хьибди яв.
Зикир уьцIюбхъюри гъибт,
Гьендемариъ адабкри.
ЮкIв гъюдлиди ибккну гъибт,
Шт’ин балугъси уьлюбхри.
Загьир мапIан зикрин сир,
Уву йихь гьаддин йисир.
Ихласдикан тум убз кIваъ,
Мягьшариз гъайих кюкйир.
Зикригьди гъубхьу кIваин
Мерс дибрисур, иншаАллагь.
Мялгьям гъубгу зийниин
Улубзрур ву сар Аллагь.
Илибкнайи гъазниъ шид
Тюнтди убхьур, шак адар.
Уву гъадабгъ гьациб вирд,
АллагьтIан яв кIваъ хьидар.
«Деврин асул» китабдиан (55 – 56 м.)
