Мялумат

Мялумат

Ассаламу аьлейкум, аьзиз ватанагьлийир. Табасаран халкьдиз шаду хабар туврача. Магьа ихь багъри чlалниинди «Исламдин арканар» кlуру китаб чапдиан адабгъна.

 

Шариаьтдин къанунарикан мици яркьуди дибикlнайи китаб гьеле ихь халкьдин арайиъ гъабхьундар. Гьямд ибшри Аллагьдиз, магьа гьаму жвуван багъри чlалниинди вуйи китабдиан Ислам диндин къанунарикан дерин аьгъювалар гъадагъуз шулу.

Му китабдиъ автори мусурман касдиз герек шлу тамам вари суаларикан яркьуди ва гъаври ахъруси ктибтура. Яна мушваъ гъудгнар апlурайи касдизра, гъудган апlуз дубгъуз ккуни касдизра вари мялуматар тувна. Думутlанна гъайри, ушвар дисбакан, закат тувбакан, ушварин сэъ тувбакан, гьяждикан ва уьмрайикан, машкврарикан ва машквран гъудгнарикан, гъурбан убккбакан ва бицlир гъахьиган убккру аькьикьайикан – гьаму варибдикан гизаф яркьуди дибикlна.

Му китабдихъди таниш хьуз ккунидарихьан, гьаму номериз зенг дапlну, заказ апlуз шулу:

8 963 009 00 55

Ихь халкьдиз му китабдикан мянфяаьт шул кlури, умуд киврахьа.

2026-04-01 (Шавваль 1447 г.) №4.


Ифтар-2026!

Ассаламу аьлайкум, аьзиз ватанагьлийир! Магьа гирами Рамазандин ваз улдубчlвну. Му йисан гирами Рамазандин вазли гизаф йишвариъ ихь табасаранлуйирин ифтарар гъахьну. Гъит Аллагьу Тааьлайи варидарин туву садакьйир кьабул апlри.   Ставрополь крайиъ айи Терек гъулаъ табасаранлуйир уч духьну,...


Гьялак махьан баб!

Ассаламу аьлайкум, йиз ватанагьлийир! Яшлуйир айи йишваъ берекет ва ужуб насигьятнан гаф шул. Дурариз уьмрин аьхю тажруба а, гьадрариланмина ухьухьна гизаф кьадар ужувлан ляхнар дуфна.   Гъулариъ яшлу ксар алахьруган, дурариз салам тувну, хил бисуз ккун шулу. Дурарин машназ гъилигган,...


Гъиямат йигъ кlваин гъабхьиган Пайгъамбар гьаз гъяаьлхънийкlан?

Гъиямат йигъан вари инсанари чпин ляхнарихъан-аьмаларихъан жаваб тувди. Думу гьациб йигъ хьибди, гьаруриз лайикь вуйи къарар адабгъруб ва адабгъру къарариъра гъалатl даршлуб. Гьадму йигъан вари инсанариз чпи гъапlу ляхнар улупиди.   Гьаму жилиин чав гъапlу ужувлан ляхин, думу фукьан бицlиб...


Хилар жикIуз даккни бицIир

Ассаламу алейкум, йиз бицIи дустар! Гъи узу ктибтидизачвуз сар бицIи балкан ва, гьяятдиан хулаз гъафиган хилар жикIувал мянфяаьтсуз ляхин ву, кIуру дугъан фикрикан.   Дугъан ччвур Мягьмуд вуйи. Абйир-бабари дугъаз гьарган, гьяятдиан гъафиган, ясана уьл ипIуз дусруган, сабпи нубатнаан хилар...


Аьхълушнаан таяммум апIбан гьякьнаан

Лап аьхъюшин айиган, ясана сагъ’вал ужийи дарувалианра таяммум апIуз шулу. Аьхъюшин айи ва шид мани апIуз даршлу дюшюшар цIибтIан шулдар, гьаци вуйиган, му вахтна таяммум дапIну, гъапIу гъудгнар кьаза дапIну ккунду.   Уьзриан таяммум апIуб Аьзарлуйиз ясана жандик саб зиян кайи касдиз...