Аьхиримжи нефес

Имандин нур чан кlваъ айи муъминди

Аллагьдихъди гъабхру сюгьбат ву гъудган.

Муъмин касдиз айи нурлу имандин

Маракьлу мурхьул ву, йиз дустар, гъудган.

Гукни сесниинди кlураза гафар:

Жегьеннемдин цlихьан уьрхява, Аллагь.

Ккун апlури гьачlарккназа йиз хилар:

Учуз женнет кьисмат апlин, сар Аллагь.

Гъудгнин фарзар тамам апlрур кас муъмин

Эйси хьиди уьмрин ислягь ва сикин.

Цlюхъюм вуйи Дивандин Йигъан гъагъи

Ухьуз далда хьибди гъудгникан сагъи.

Гъудгниз вафалу йихь, имандин гъардаш,

Дидиз хас ву кьадарсуз аьхю сабаб.

Хилар ккидисну, Аллагьдиз улуп маш,

Жегьеннемдин аржлиин дархьуз кабаб.

Муъминарин дуствалин ижми бару

Ву пуз шулу, чвйир, ухьу апlру гъудган.

Жегьеннемдин цlин ялавнахьан уьрхру

Женнетдин гъуш ву ухьу апlру гъудган.