Гьарсар гъудган дарапIу касдиз…
Гьарсар гъудган дарапIу касдиз…
Гьяйифки, бязи вахтари ухьуз гьацдар ксар алахьуруки, дурар Аллагьу Тааьлайихъра хъугъра, Пайгъамбарихъра ﷺ хъугъра, амма Аллагьу Тааьлайи суткайиъ гьарсар мусурман касдиин илирчнайи хьуб гъудган апIурдар.
Суткайиъ апIру хьуб гъудган ислам диндин мурхьларикан ву. Дидин гьякьнаан Пайгъамбари r гьамци дупна: «Фуну касди чан апIурайи гъудгнариин гъахьиш, дугъу чан дин гъюуьбхну». Мицдар гафар гизаф а, дурари ухьуз гъудгнарин заанвал ва кьиматлувал улупура. Гъачай адлу аьлимарин китабариъ гъудган дипу касдиз, гъудган дарапIру касдиз ву шулаш ва фицдар ниъматарихьан думу ярхла шулаш ктибтухьа. – Фарз гъудган дарапIди, дидихьна гъайгъусузвал улупру касдин Аллагьдихьан гучI адарди шулу ва дицирин кIваъ гьакьлу иманра шулдар. – Гьялалвалиинди гъазанмиш гъапIубдиъ берекет адарди хьуз хъюбгъру ва дугъу ипIрубра берекет ктарди гъябгъюру.
– Гъудган фарз вуйибра аьгъяди, гьаци вушра му ляхниз фикир тутрувру кас Аллагьу Тааьлайин хъюлакк шулу ва иблисдин ккунидарикан шулу. Гьамци му касди вари инсаниятдихьна хъял айи, Адам пайгъамбарин наслариз гьарган манигъвал апIурайи иблисдин рякъ бисуру. Гьаддиз Аллагьу Тааьлайи Гъиямат йигъазкьат Иблисдиин нянят алапIна. Дицир кас, чазра хабар адарди иблисдин рякъ дибисну, зулумкрарикан вуйир шулу. – Эгер дицир касди туба дарапIиш, думу Аллагьу Тааьлайи вари гирами Каламариъ нянят алапIнайидарикан шулу: Тавратдиъ, Забурдиъ, Инжилдиъ ва гирами Кьур’андиъ. Завар-жилари, ригъди ва вазли, гьарсаб гьяйванатди, укIаркIажари дицир касдиин нянят алапIуру гьеле думу туба дапIну чан фарз гъудгнарихъна гъяйизкьан. Гьадму вахтназкьан вари Аллагьу Тааьлайин махлукьатариз думу даккнидарикан шулу.
– Туба дапIну фарз гъудгнихъна дарфиди кечмиш гъахьи касдиз нефес ктабгъру вахтна лап читинди хьибди. Чахьан сарун фукIа дигиш апIуз даршлуб хабар айивалиан дугъаз хъанара гизаф аьзият хьибди. Гъиямат йигъан думу кIару маш гъяди, хажалатнаъ ади имбударин арайиъ дугъужвиди. Гьаддиз, гъудган дарапIру, ясана гъудган дипу кас гьаму жилиин илмиди бахтсуз ксарикан шула, гьеле чаз хабар адарди хьубра мумкин ву, хъа Аьхиратдиъ думу вари ужувларихъ мягьрум шулу. Дицир кас гьаму дюн’яйин утканваларихъ Аьхират масу тувдарикан шулу. Фарз гъудгнихьан ярхла гъахьи касди чав учв Аллагьу Тааьлайин рягьимлувалихьан ярхла апIура. Йигъан хьуб ражари экбер тувруган, хьуб ражари мистаз дих апIруган, бязидар фикир тутруври шулу, дурариз, экбринтIан, Иблисдин сес утканди ебхьуру.
Аллагьу Тааьлайи, Чакан ккун апIинай, жаваб тувурзачвуз, кIурашра, гьяйифки, Дугъан гафартIан иблисдин мукьам утканди ебхьура. Гъачай ухьура, ихь хизанарра Аллагьу Тааьлайин рякъюъди гъягърударикан шухьа, гьич саб вахтнара Иблисдин кьушмарикан, Иблисдин дустарикан хьидархьа.
РАМИС САФИУЛЛИН
