Ихь ватанагьли Мягьячгъала шагьрин имам ву

Ихь ватанагьли Мягьячгъала шагьрин имам ву

Ассаламу аьлейкум, гьюрматлу газат урхурайидар! Ихь халкьдиз магьа нубатнан шад хабар: ихь ватанагьли Мугьяммадтlагьир Аьгьмадов Мягьячгъала шагьрин кlулин мистан имамди дерккна.

Мугьяммадтlагьир Дербент райондин Дюзляр гъулаъ бабкан гъахьну. Школа ккудубкlбан кьяляхъ 2012-пи йисан Мягьячгъала шагьриъ айи Дагъустандин Исламдин университетдик (ДИУ) урхуз кучlвну ва 2019-пи йисан думу заан хъуркьувалариинди ккудубкlну.

Урхуб ккудубкlбан кьяляхъ, Дербент райондин Дюзляр гъулаъ имамвал апlури гъахьну, Табасаран райондин дяъват отделин гъуллугъчиди ва гьацира Кьибла Дагъустандиъ гъуллугъ гъабхурайи Муфтиятдин вакилин заместительдира лихури гъахьну.

Ужуб хасиятнан, заан тербия айи, диндин ужудар аьгъювалар айи ихь ватанагьли гьамциб заан ва Аллагьу Тааьлайин улихь жавабдар ляхнихьна кьисмат гъахьну.

Гъит Аллагьу Тааьлайи дугъаз хайирлуди ляхин кlули гъабхуз кюмек туври!

Газатдин редакция

2026-08-01 (Сафар 1448 г.) №8.


Велед бабкан гъахьиган убккру аькьикьайикан

Аькьика – велед бабкан гъахьиган, Аллагьу Тааьлайиз гьямд апIури, убккру гьяйванат ву. Гьяйифки, ухьухь му ляхниз думукьан фикир туврадар, гьеле Пайгъамбарин ﷺ ижми суннатарикан вушра.   Аькьикьа апIбан гьюкум Шафии, Малики ва Гьямбали мазгьабариинди, аькьикьа Пайгъамбарин ﷺ лапра...


Нач`валин гьякьикьат

«Гьяя» кIуру гафнан мяна гъапIу ляхнин нач`вал ва кIван утанмиш`вал ву. Хъа суфйирин «гьяя» гафнан мяна нач`вал ва юкIв умун апIувал шула. Суфйирин имам Джунайд аль-Багъдадийи «нач`вал» гафнан мяна гьамци ачухъ гъапIну: «Мициб гьял, Аллагьу Тааьлайин...


Йишвандин гъудгнариъ урхурайиб сес ягъалди, хъа тмундариъ жвувакди гьаз кlуру?

Гвачlниндин, лавландин ва хъитlирхбандин гъудгнарин сабпи кьюб ракааьтариъ ягъалди гьаз убхуйкlан, хъа имбу гъудгнариъ жвувакди гьаз урхуйкlан, кlури суал шулу. Му суалнан гьякьнаан гизафдариз аьгъдар, гьеле гъудгнар апlурайидариканра саспидариз кмиди.   Гирами Каламдиан гъудгниъ сес ягъалди...


Дамагълувал фу вуйкlан?

Инсандин чаз айи гьюрмат, ккунивалианси, разивалианра чахьна айи табиаьтдин гьисс ву.   Бязи инсанар жвув кьадарсуз ккунивалиан, Аллагьдин ﷻ имбу лукIар, сарра гьяспикк ккадарди, фурс кади шулу. Гьамци инсан инсанарихьинди даккунди, дурар саймиш дарапIри, саринра гаф гъададабгъри, имбудар...


Бурж кьяляхъ тувурдарш, гьапIну ккунду?

Ислам диндиъ сари тмунуриз кюмек апIинай, дупна, гьелбетда, фужкIа саб читин гьялнаъ айи вахтна. Гьацдар кюмек апIуваларикан саб, инсан читин гьялнаъ ахъган, дугъахьна буржди пул тувувал ву.   Аьбдуллагь Ибн Уьмари Пайгъамбарин ﷺ гафар хура: «Мусурман мусурмандиз гъардаш ву, ва дугъу...