Гирами Каламдиан 40 суалназ 40 жаваб

Гирами Каламдиан 40 суалназ 40 жаваб

Гирами Каламдикан фу аьгъячвуз? Фукьан ужуйи ухьуз му Каламдикан мялумат а? Фила ва фу дюшюшдиъ думу Пайгъамбарихьна ﷺ назил гъабхьну? Фицдар паярикан думу ибарат дубхьна ва фужар душваъ кIваин дапIна. Гьаму ва жара суалариз жавабар гьаму макьалайиъ тувдихьа.

1. Кьур’ан шли назил гъапIну?

Аллагьу Тааьлайи.

2. Кьур’ан шлихьна назил гъапIну?

Аьхиримжи пайгъамбар Мугьяммаддихьна.

3. Шлихьанмина гирами Кьур’ан вагь’ю гъапIну?

Жабраил малаикдихьанмина.

4. Фуну йишван Кьур’ан исккан завариз гьапIну?

Рамазандин вазлин Кьадрин йишван (Ляйлят-уль-Кьадр).

5. Сабпи ражари Жабраил малаикди гирами Кьур’ан Пайгъамбарихьна ﷺ наан гъурубкьну?

Мекка шагьрин гъирагъдихь, Гьираъ кIуру дюрхъяъ.

6. Сабпи вагь’ю гьапIруган, Пайгъамбарин ﷺ швнуд йис вуйи?

40 йис.

7. Кьур’ан назил апIувал швнуд йисан давам гъабхьну?

23 йисан.

8. Швнуд йисандин муддатнаъ Пайгъамбариз ﷺ Меккайиъ вагь’ю гъюри гъабхьну?

13 йисандин муддатнаъ.

9. Медина шагьриъ Пайгъамбариз ﷺ швнуд йисандин арайиъ гирами сурйир назил шули гъахьну?

10 йисандин арайиъ.

10. Пайгъамбарин ﷺ асгьябарикан фунури Аллагьу Тааьлайи назил гъапIуб бикIури гъахьну?

Абу Бакр, Уьсман, Аьли, Заид бин Гьярис, Аьбдулла бин Масъуд (гъит Аллагь дурарикан рази ишри).

11. Шлин тIалабниинди Кьур’ан уч гъапIну?

Абу Бакр асгьябдин амриинди.

12. Шлин насигьятниинди Абу Бакри Кьур’ан саб китабнаъ уч апIбанди гъахьну?

Уьмар асгьябдин насигьятниинди.

13. Абу Бакрин вахтна Кьур’ан уч апIбаъ швнур асгьяб иштирак гъахьну?

75 асгьяб.

14. Уьсман асгьябди гъапIу копйирикан гъийин йигъаз швнуб гъузну?

Анжагъ 2 копия, дурарикан саб Ташкентдиъ, тмунуб Стамбулиъ а.

15. Кьур’ан швнуб сурайикан ибарат ву?

114 сурайикан.

16. Мекка шагьриъ Кьур’андин швнуб сура назил гъахьну?

86 сура.

17. Медина шагьриъ Кьур’андин швнуб сура назил?

28 сура.

18. Кьур’андин сабпи сура фунуб ву?

Сура «аль-Фатигья»

19. Кьур’андин аьхиримжи сура фунуб ву?

Сура «ан-Нас»

20. Фуну сурайиз «Кьур’андин юкIв кIуру»?

Суру «Ясин» (36-пи сура)

21. Кьур’андин фуну сура варитIан ярхиб ву?

Сура «аль-Бакьара» (2-пи сура).

22. Кьур’андин фуну сура варитIан жикъиб ву?

Сура «аль-Кавсар» (108-пи сура).

23. Кьур’андиъ швнуб джуз а?

30 джуз.

24. Кьур’андиъ швнуб аят а?

6236 аят.

25. Кьур’андиъ сужда дапIну ккуни швнуб аят а?

14 аят.

26. Кьур’андин фуну сура «бисмиллагь» хътарди ккебгъра?

Сура «ат-Тауба» (9-пи сура).

27. Кьур’андин фунуб сурайиъ «бисмиллагь» кьюб ражари текрар шула?

«ан-Намль» сурайиъ: 1 ва 30 аятариъ.

28. Кьур’андин фуну сура Аллагьу Тааьлайи дюаь вуди дебккна?

Сура «аль-Фатигья».

29. Кьур’андиъ Аллагьу Тааьлайин швнуб ччвур улупна?

99 ччвур.

30. Кьур’андиъ фуну малаикарин ччвурар кудухна?

5 малаикдин: 1) Жабраил (2:98); 2) Микаил (2:98); 3) Гьарут (2:102); 4) Maрут (2:102); 5) Maлик (43:77).

31. Кьур’андиъ швнур пайгъамбарин ччвурар кIваин дапIна?

25 пайгъамбарин.

32. Кьур’андиъ фуну пайгъамбрарин ччвурар кудухна?

1) Адам; 2) Идрис; 3) Нугь; 4) Гьуд; 5) Салигь; 6) ЛутI; 7) Ибрагьим; 8) Исмаил; 9) Исгьякь; 10) Якьуб; 11) Юсуф; 12) Шуаьйб; 13) Гьарун; 14) Муса; 15) Давуд; 16) Сулейман; 17) Аюб; 18) Зулькифль; 19) Юнус; 20) Ильяс; 21) Альяса; 22) Закарийя; 23) Ягь’я; 24) Иса; 25) Мугьяммад ().

33. Кьур’андиъ фуну пайгъамбарин ччвур артухъси кIваин дапIна?

Муса пайгъамбарин – 136 раз.

34. Кьур’андиъ швнуб сура пайгъамбрарин ччвурариинди тувна?

6 сура: сура «Юнус» (10); сура «Гьуд» (11); сура «Юсуф» (12); сура «Ибрагьим» (14); сура «Нугь» (71); сура «Мугьяммад» (47).

35. Кьур’андиъ фуну дишагьлийин ччвур кIваин дапIна?

Иса пайгъамбарин дада Марьямдин.

36. Пайгъамбарин ﷺ фуну асгьябдин ччвур Кьур’андиъ кIваин дапIна ?

Зайд бин Гьярисдин ччвур (33:37).

37. Кьур’андиз асас духьну, Кьур’андин имбу ччвурар фицдар ву?

Кьур’ан кIваин дапIна гьамцдар ччвурариинди: Аль-Фуркьан, Аль-Китаб, Аль-Зикр, Аль-Нур, Аль-Гьуда.

38. Швнубпи йисан Кьур’андиъ ачухъ сесер улупуз хъюгъну?

Гьижрайиинди 43-пи йисан.

39. Фицдар шартIар уьрхюри Кьур’андик кучуз хай шулу?

Гирами Каламдик кучру касдин жандкин марццишин ади ва гъудгнин дижикIну ади ккунду.

40. Кьур’ан уьбхюрза кIури жавабдарвал шли чаина гъадабгъна?

Аллагьу Тааьлайи.

РАМИС САФИУЛЛИН