Кьибла Дагъустандиъ волейболин Кубок

Кьибла Дагъустандиъ волейболин Кубок

Мягьярамкент райондиъ Кчун-Казмаляр гъулан Мугьяммад Ярагъийин ччвурнахъ хъайи спортдин комплексдиъ РД-йин Кьибла Дагъустандиъ айи Муфтиятдин гъуллугъчйирин арайиъ волейболин талит кIули гъубшну. Кьибла Дагъустандиъ айи шагьрариан ва районариан вуйи командйирин арайиъ сабвалихъна, гъардаш’валихъна теклиф апIру девизра ади, му талит заан дережайиинди кIули гъубшну. Му талитнаъ Табасаран райондин вакилар гъалиб гъахьну. Табасаран райондиан вуйи командайиз имамар ва гьацира Муфтиятдин имбу цирклариъ лихурайи гъуллугъчйир дахил гъахьну.

Магьа дурар:

ТIагьир Аьгьмадов – Дяъват отделин руководитель.

Несредин Гьяжиибрагьимов – «Инсан» фондин руководитель.

Низами Шябанов – Гуми гъулан имам.

Аьгьмадпаша Гьяжиев – АркитI гъулан имам.

Мугьяммад Халиков – Райондин имамдин кюмекчи.

Мугьяммад-Рамазан Кельбисеев – Сиртыч гъулан имамдин заместитель.

Нурлан Мурадялиев – ЖагътIил гъулан имамдин заместитель.

Ильяс Аьбдуллаев – Райондин диндин СМИ-йин руководитель. Талитнаъ гъалиб гъахьидариз кубок ва медалар тувну. Уч духьнайи хяларин арайиъ айи: ЮТО-йин полпред Гьюсейн Гьяжиев, Дербент шагьрин жигьиларин политикайин ва спортдин отделин начальник Хочбар Баркаев, Дербент шагьриъ айи «Трезвая Россия» проекдин руководитель Рамазан Рамазанов ва гь.ж. Табасаран райондиан вуйи имамарин команда му заан гъалибвалихъди кIваантIан тебрик апIурахьа! Гъит Аллагьу Тааьлайи хъанара аьхю хъуркьувалар кьисмат апIри!

2026-08-01 (Сафар 1448 г.) №8.


Гьякьлу имам…

Ассаламу аьлайкум, аьзиз ватанагьлийир! Гьаму бицlи макьалайиъ ихь имамари гъахурайи читин ва жавабдар ляхнарикан ктибтуз ккундузуз.   Имамвал, сабпи нубатнаан, Аллагьу Тааьлайин улихь гизаф жавабдарвал алиб ву. Аллагьу Тааьлайи гирами аятар, Пайгъамбарин ﷺ гьядисар имамди жямяаьтдихьна,...


Бахилвалинна даккнишнан гьякьикьат ва дурарин аьхир

Аллагьу Тааьлайи сар шлизкIа уж`вал гъапIиган, бахилвализ гьадму инсан дугъаз гъапIу хайирлуваларихъ мягьрум духьну ккунди шулу. Хъа даккнишнакан улхуруш, дидин бин душманвал, хъял ва инсанарихъди айи аьлакьйир чIюргъювал ву.   Бахил кас, сар касра сикинди гъидритру, аьдалатсуз ва рягьимсуз...


Сар вуйихь, инсан, Аллагь

Аьгъю апlина, инсан, Аллагьу Аллагь. Ялгъуз сар вуйихь Думу, Аллагьу Аллагь. Иман аьбкъина, инсан, Аллагьу Аллагь. Сар ву, инсан, ихь Аллагь - Аллагьу Аллагь.   Яв рягьмат тува учуз, Аллагьу Аллагь, Ярхла дебккава гунагь, Аллагьу Аллагь. Аьф апlин учуз, Аллагь – Аллагьу...


Уягъ духьну ккунду

«Аллагьу Тааьлайин назарлувал жямяаьтдиин алиб ву», «Инсанарикан варитlан багьалур – жямяаьтдиз хайирлу кас ву», «Хайир-берекет яшлу ксарилан бихъруб ву», «Аьлим гьадму кас вуки, чаз фу аьгъяш, гьациб аьмалра апlурайир». Пайгъамбарин ﷺ гьаму...


Нач`валин гьякьикьат

«Гьяя» кIуру гафнан мяна гъапIу ляхнин нач`вал ва кIван утанмиш`вал ву. Хъа суфйирин «гьяя» гафнан мяна нач`вал ва юкIв умун апIувал шула. Суфйирин имам Джунайд аль-Багъдадийи «нач`вал» гафнан мяна гьамци ачухъ гъапIну: «Мициб гьял, Аллагьу Тааьлайин...