Мялумат

Мялумат

Ассаламу аьлайкум, гьюрматлу ватанагьлийир!

Телеграм мессенжериъ табасаран чIалниинди гъабхурайи «ЙИЗ ТАБАСАРАН» группайин модераторари литературайин талит мялум дапIна.

 

Талитнан асас шартI: мектебариъ 1-5-пи классариъ урхурайи бицIидари бабан чIалниинди шиир дурхну, думу видеойиз адабгъну, 89887288619 номерин вотсапдиз хъадапIну ккунду.

Тема жигьатнаан фунуб вушра шиир урхуз шулу, анжагъ табасаран чIалниинди дубхьну ккунду.

Сабсан къайдайикан дупну ккунду: конкурсдиз материалар 13-пи мартдиан 13-пи апрелизкьан хътауз хай шулу.

Талитнаъ гъалиб гъахьидариз тешкилатчйирин терефнаан мани гафар ва хайирлу пешкешар хьиди!

Абйир-бабарикан ва мялимарикан чпин бицIидар му талитназ гьязур апIуб ккун апIурача!

 

P.S. Дупну ккундуки, ихь ватанагьлийирикан гьарсари жвуван багъри чIалназ фикир тувну ккунду. Магьа ихь газатдин машариъра, ихь чIал уьбхювал метлеб вуди, чIалнакан вуйи макьалйир туври шулхьа.

Ихь абйириланмина ухьухьна дуфнайи ихь бабан чIал ухьу кIваълан гьапIну ккундар. Гьаци вуйиган, гьюрматлу абйир-бабар ва мялимар, му талитнаъ шлубкьан артухъдиси иштираквал гъабхуз чалишмиш йихьай.

 

2026-09-01 (Рабиуль авваль 1448 г.) №9.


Халкьдин арайиъ ислягьвал ибшри

Хив райондин цlийи имам Анвер Жабировичдихъди вуйи интервью   Ассаламу аьлайкум, аьзиз ватанагьлийир! Ихь газатдин машариъ шагьрар-районариъ лихурайи имамарин уьмрикан, дурари гъабхурайи диндин ляхнарикан мялумат тувуб давам апlурахьа. Гъулан имамвал апlуб гизаф читин ва аьхю жавабдар ляхин...


Гьядис гьякьлуб вуш, ари гьадму йиз мазгьаб ву

Мазгьабар дерккру вахтари, гьядисарикан фундар гьякьлудар вуш, фундарсана зяифдар ва инсанари ктагъдар вуш, аьгъяди гъабхьундар – магьа саспидари гьамци кlури шулу.   Гъи интернет айивалиан, мусурмнарин арайиъ фукьан манзил ашра, саб гъулаъ айиганси гаф-чlал апlуз шулу. Гьаддиз...


Гуми гъулаъ аьхю серенжем

21-пи авгъусти Табасаран райондин Гуми гъулаъ Пайгъамбар ﷺ бабкан гъахьи ваз улубкьбан гьюрматнаан аьхю мажлис кlули гъубшну.   Гьар йисан ихь республикайин шагьрариъ ва районариъ, Пайгъамбарин ﷺ уьмрикан ктибтури, дугъкан назмар урхру мажлисар шулу. Дупну ккундуки, мициб аьхю серенжем Гуми...


Ипни хьуз кIури ушв гъибисуриз саваб айин?

Ушв бисувал лап аьхю саваб айи ибадатарикан саб ву. Ушв бисувалин хусуси шартI ният вари ушв батIил апIру вари дюшюшарихьан ярхла хьуб ву.   Гьаци вуйиган, ахсрар ккивхъанмина лавландин гъудгнин вахтназкьан инсанди ушв батIил шлу дюшюшар гъапIундарш, дицирин ушв бисувалин шартIар тамам...


СУАЛ-ЖАВАБ

- Магьа гирами Пайгъамбар ﷺ бабкан духьнайи ваз улубкьна. Ич гъулаъ аьхю мажлис гъабхьну. Йиз аьхюну бай узуз думу мажлиснаъ иштирак махьан, хай шлуб дар кlури, удукьну дугъужвну. Чиб-чпин арайиъ гизаф дерд шлу гафарра гъахьнийич. Му жигьилариз гьапlнайкlан? Гьамус Аллагь ва Пайгъамбар ﷺ кlваин...