Мясляаьтнан йикьрар

Мясляаьтнан йикьрар

Худайбийиъ

Мясляаьтнан

Гъапlган йикьрар,

Пис жугьдариз

Жаза тувуз

Кьаст гъапlнийи

Мусурмнари.

Ихь Пайгъамбар

(Салават ва

Салам дугъаз)

Хъади кьушум

Мусурмнарин

Хайбар дере

Мютlюгъ апlуз

Учlву рякъюъ.

Мединайиъ

Айигантlан,

Гьамци йикьрар

Гъапlнийи чпи:

«Фуж жигьаддиз

Разиди вуш,

Гьадму гъюри».

 

Хушниинди

Дуфну айи

Гьякь мусурмнар.

Аьгьт гъапlдар ву

Сар Аллагьдиз,

Пайгъамбарна

(Салават ва

Салам дугъаз)

Дин бадали

Фида апlуз

Жигьил жанар.

Ва гъушнийи

Дюз рякъюъди,

Хъа Шам шагьриз

Илтlикlнийи,

Нагагь душман

Дина гьергруш,

Дерккуз дишла.

 

Мединайиъ

Футна апlру

Аьбдуллагьди

Жугьдарихьна

Хътапlу хабар:

«Ичвсиб гужал

Яракь хьтарди,

Гъюра дурар,

Гьюжум апlуз

Гучl мапlанай,

Дурар учву

Чархьидичва».

Хъа жугьдари

Гьау дишла

Чархачи чпин

Хабар хьади

Тухум бану

Гатафандиз:

«Эгер учву

Кюмек гъапlиш,

 

Хурмайин багъ

«Хайраба» гьацl

Апlуз учвуз

Гаф туврача».

Йишвну гъяри

А мусурмнар,

Урхури а

Рякъюъ шиърар

Амири чан.

Ихь Пайгъамбри

(Салават ва

Салам дугъаз)

Гьерху: «Фуж ву

Мицир устад?»

– Амир кlурур, -

Гъабхьи жаваб

Дестейигъян.

«Рягьим апlри

Сар Аллагьди», -

Гъапи хъана

Ихь Пайгъамбри

(Салават ва

Салам дугъаз).

Вардиз аьгъя,

Мици пиган

Йикlруб инсан

Цlиб вахтналан.

Хайбар дявдиъ,

Духьну шагьид,

Гъушу Амир

Шаир-устад.

 

Вахт гьириндин.

Багахь гъахьи

Хайба шагьрин.

Хъа жугьдариз,

Ляхниз гъягъюз

Хулариан

Удучlвруган,

Гъябкъю кьушум.

Хъюгъю жаргъуз

Мина-тина.

 

Ва гъябкъиган

Му гьяракат,

Кlур Пайгъамбри

(Салават ва

Салам дугъаз):

«Кьудрат, кьувват

Ву Аллагьдин,

Шюкюр ибшри

Дугъаз гьарган.

Хайба ихь ву».

 

**

Натат гъулхьан

Ярхла дарди

Бина гъиву

Мусурмнари.

Кьушмиъ гьарсар

Чан ляхнихъ хъа.

 

Хабаб Мунзир

Ву кlурайир

Ихь Пайгъамбриз

 

 

 

Кьасумов Амир Мирзаевич,

Жулжагъ гъул.

 

РФ-йин жюрбежюр искусствойин ва литературайин конкурсдин лауреат ва дипломант:
Медаль Москва 1985.
Медаль Москва 1987.
Медаль Москва 1989. Дагъустан Республикайин культурайин лайикьлу работник (2004 й).

РФ-йин журналистарин Союздин член (2005 й).

РФ-йин уьмуми образованияйин лайикьлу работник (2006 й).

РФ-йин президентин грантдин сагьиб (2009 й). РФ-йин мялимарин устадвалин бина конкурсдин дипломант (1 степен, 2017 йис.) "Табасаран райондин улихь лайикьлувализ лигну" - медаль, 29.08.2024.

2026-09-01 (Рабиуль авваль 1448 г.) №9.


Жюрбежюр гьюкуматариъ айи мистар

Афагъанистандиъ айи мист аль-Акьса мист Кутубия мист Меккайиъ айи мист Стамбулиъ айи мист Павлодара мист Турцияйиъ айи мист Болгар шагьриъ айи мист Кабус султандин мист Турцияйиъ айи Эртогрулгазыйин мист Бухарайиъ айи мист


Пайгъамбарин ﷺ суннайихъди гъягърур сагъ хьиди

Диндин медицина лап яркьуб ва девлетуб ву, душваъ улупнайи себебариинди жюрбежюр уьзрарихьан сагъ хьуз шула, Аллагьдин ﷺ амриинди.   Мугьяммад Аьбдурягьмановдихъди учу му темайин гьякьнаан сюгьбат гъубхунча, думу учв Мягьячгъала шагьриъ айи Абубакаровдин ччвурнахъ хъайи Медицинайин центриъ...


Йиз кагъаз

Ассаламу аьлайкум! Узу кlваантlан Аллагьу Тааьлайихъ хъугънайи кас вуза. Бицlидихъанмина, йиз абайи-бабу улупганси гъудгнар апlури, йиз дин хъапlрайи кас вуза. Гьяждизра гъушунза, гьамус узхьан шлуганси мистариъ садакьа тувурза, гирами йишвариина зияратдиз гъушганра, садакьа туври шулза,...


Ариш-веришдиъ натижа хьпан бадали урхру дюаь

Ариш-вериш апIру агьлари, иллагьки думу ляхниъ жюрбежюр хъуркьувалар гъахьидари, ужуб натижа хьпан бадали, гьарган «лихури, лихури ва хъанара лихури» духьну ккунду, кIури шулу…    Ав, ихь метлеб кIулиз удубчIвбан бадали, ухьу дидиз себебра улупну ккунду. Амма, эгер...


Гуми гъулаъ аьхю серенжем

21-пи авгъусти Табасаран райондин Гуми гъулаъ Пайгъамбар ﷺ бабкан гъахьи ваз улубкьбан гьюрматнаан аьхю мажлис кlули гъубшну.   Гьар йисан ихь республикайин шагьрариъ ва районариъ, Пайгъамбарин ﷺ уьмрикан ктибтури, дугъкан назмар урхру мажлисар шулу. Дупну ккундуки, мициб аьхю серенжем Гуми...