Мусурман дару касдиин гъудган
Кяфир касдиин жаназа гъудган алапIуб гьярам ву, думутIанна гъайри, эгер думу мусурман вуш, кяфир вуш шаквал аш, думуганра гъудган алапIуб гьярам шула. Гьацира кяфир касдиз, гунгьар аьф апIрияв кIури, дюаь апIуз хай шулдар.
Мусурман дару ксарин бицIир йисарикк куркIайизкьан кечмиш гъахьиш, дугъ’ин я гъудган алапIурдар, ясана жара майтихъди аьлакьалу ляхнар апIурдар, гьятта бицIиди имиди кечмиш гъахьидар женнет агьлийир вушра.
Мусурмнарихъди мясляаьтнан йикьрарнаъ ади яшамиш шулайи кяфирариин (зиммий) кафан иливуру ва накьвдик кивру. Му ляхнариз харж апIруб вари кечмиш духьнайирин дакьатарикан харж апIуру. Эгер чаз дакьатар адарш, думу уьрхюрайирин нафакьайикан фаркьат апIуз харжар апIуру, дицирра адарш - байтул малиан.
Эгер сар касди, флану мусурман кас диндиан удучIвну кIури, хъа тмунурсана - ваъ, думу кечмиш хьайизкьан мусурманвалиъ имийи кIури, гъапиш, дицир касдиин жаназа гъудган алапIуру, гьаз гъапиш ухьу дугъан эвелихьна гъягъюрхьа. Хъа дугъан эвел мусурманвалиъ айивал гъабхьну.
