Килен ашы (Езо гелин)

Килен ашы (Езо гелин)

Төрек халык ашы

2 литрлы кәстрүлгә кирәк:

2 данә уртача зурлыктагы суган;

2 аш кашыгы томат пастасы;

2 аш кашыгы сыер мае;

1әр стакан ясмык һәм булгур;

тәменчә тоз.

1,5 литр су яисә шулпа;

Әзерләү ысулы:

Суганны ваклап турарга. Аерым бер касәдә томат пастасын су белән бутарга. Кәстрүлдә сыер маен эретеп, шул майда суганны алтынсу төскә кергәнче кыздырырга. Аннан соң су белән болгатылган томат пастасын салып кайнатып чыгарырга.

Юылган һәм чистартылган ясмыкны һәм булгурны кәстрүлгә салырга. Тоз салып, ярмалар йомшарганчыга кадәр пешерергә. Аш әзер. Өстәлгә чыгарганда бөтнек, тимьян һәм үткен борыч сибеп чыгарырга.

Ашыгыз тәмле булсын!

Ләйсән ханым