Җиләкле пирог

Бу җәйнең иң тәмле пирогын пешереп карадыгызмы әле? Пешермәгән булсагыз, менә сезгә бик әйбәт рецепт!

Кирәк:

3 йомырка

1 стакан шикәр комы

200 грамм сыер мае

1 кап күперткеч, яисә сода;

Крем өчен:

4 кашык каймак һәм 4 кашык шикәр комы алына.

Йомырка белән шикәр комын яхшылап болгатырга, шуңа эретелгән сыер мае салырга, бер кап күперткеч белән бергә әзәзләп он салып йомшак камыр басырга. Майлаган табага кул белән җәяргә. Онны күп салмагыз, камыр каты булырга тиеш түгел. Аннан соң өстенә җиләк салырга. (Мәсәлән,к ура җиләге белән кызыл карлыган салырга була, яисә башка җиләкләр дә ярый). Җиләген кызганмагыз, җиләк күбрәк булган саен тәмлерәк була. 180 -200 градуста кадәр җылытылган духовкада 35-40 минут пешереп алырга. Кемнең духовкасы ничек пешерә, утын яндырып карап торыгыз. Кызгылт төскә кергәч пешкән була.

Духовкадан алгач, остенә крем ягарга. Аның өчен 4 кашык сметананы 4 кашык шикәр комы белән яхшылап, шикәре эреп беткәнче болгатырга. Шушы массаны жайлап кына жиләк остенә ягарга, кашык белән тигезләргә. Бер сәгать кә кремы сеңеп беткәнчегә кадәр көтәргәкиңәш ителә! Чәйләрегез тәмле булсын!