Хачапури

Хачапуриның рецептлары күп төрле, барлык төрләрен дә пешереп карадым, ләкин монысы безгә бик ошады. Иң мөһиме чүпрәсез, димәк файдалы.

Кирәк:

200 гр эремчек

4 йомырка (икесе өстенэә, икесе камырга)

100 гр. сулугуни сыры (гади сыр да ярый)

6 аш кашыгы дөге оны (гади он да ярый)

Тоз

Әзерләү ысулы:

Эремчек, бер йомырка һәм бер йомырка агын (сарысы өстен майларга кирәк булачак), тоз, он кушып камыр ясарга. Кулга ябыша торган камыр була, шуңа күрә кулларны суга тыгып алып эшләргә кирәк.

Табага пергамент кәгазен җәяргә, шунда көймәләр ясарга. Алдан жылытылган духовкада 180 градуста өсте кызарганчы пешерергә. Ул арада сырны кырып куярга. Хачапуриның өсте кызаргач, духовкадан алып йомырка сарысы белән майларга, өстенә сырны салырга, уртага бер йомырка сытарга да, эз генэ тоз сибеп жибәрергә, сыр эреп беткәнче һәм йомырканың агы пешкәнчегә кадәр янәдән духовкага озатырга. Йомырканың сарысы пешәргә тиеш түгел.

Пешкән хачапуриның кырыйларын сындырып алып, уртадагы йомырканың сарысына манып ашыйлар. Бу иртәнге ашка бик туклыклы ризык, кичке ашка да бара.

ГҮЗӘЛ