Мәчет әдәпләре
Мәчет әдәпләре
- Мәчеткә керер алдыннан аяк киемен нәҗестән чистартырга.
- Мәчеткә кергәндә башта уң аякны атлап керү һәм түбәндәге доганы уку тиешле:
«Әллааһүммә-фтәх лии әбүәәбә рахмәтикә». Мәгънәсе: Ий Аллаһым, миңа Рәхмәт ишекләреңне ач.
- Мәчеттә беркем булмаса да сәлам бирергә, әгәр кем дә булса, сәлам бирергә кирәк.
- Кыйблага таба карап утырырга.
- Мәчеткә кергәч, ике рәкәгать (тәхиятүль мәсҗид) намазы укыла.
- Мәчет эчендә әдәп һәм тыйнаклык белән утыру, зикер һәм тәсбих, тәүбә һәм истигъфар, дога кылу белән шөгыльләнү; Коръән яисә китап укып утыру яки вәгазь сөйләп я тыңлап тору; гыйлем өйрәнеп, я өйрәтеп утыру тиешле.
- Суган, сарымсак һәм торма ашаган килеш мәчеткә керү һәм анда дөнья эшләрен башкарып, кирәкмәгән сүзләр сөйләп, көлешеп утырырга ярамый.
- Үзеңнең хәлең һәм кылган гамәлләрең хакында уйланырга.
- Беркемне дә ләгънәт кылмаска.
- Тавыш күтәрмәскә.
- Кешеләрне үпкәләтерлек гамәлләр кылырга ярамый.
- Сату-алу белән шөгыльләнергә ярамый.
- Аллаһы Тәгаләнең рәхмәтен сорап дога кылырга.
- Мәчеттән чыкканда сул аяктан атлап чыгу һәм түбәндәге доганы уку тиешле:
«Әллааһүммә иннии әс’әлүкә мин фәдъликәл-гәзыйм”. Мәгънәсе: Ий Аллаһым, дөреслектә, Синнән олуг фазыйләтеңне һәм Рәхмәтеңне сорыйм”.
