Кыямәт көнендә Аллаһның рәхимлелеге аермачык булыр
Аллаһның рәхимлелек сыйфаты бәхәссез булачак. Кари Мөхәммәд Тайаб (Аллаһның рәхмәтендә булсын) болай дип язган: Кыямәт көнендә Аллаһның рәхимлелеге шулкадәр ачык күренер ки, хәтта шайтан да күзләрен күтәрер һәм бәлки, шулай ук гафу ителермен, дип уйлар. Аллаһның рәхимлелеге менә шулкадәр үк ачылыр!
Болай дип әйтелгән: Аллаһ ике кешегә: “Сезнең яхшы гамәлләрегез әзрәк, ә сезнең начар гамәлләрегез күбрәк, җәһәннәмгә барыгыз”,- дип әйтер. Бу кешеләрнең берсе җәһәннәмгә йөгерер, ә икенчесе әкрен генә адым саен артына борылып карап барыр.
Аллаһ Тәгалә аларның икесен дә кире чакыртыр. Һәм беренче йөгереп киткән кешедән, Аллаһ аңа Җәһәннәмгә барырга әмер иткәч, ни өчен җәһәннәмгә йөгерүе торуында сорар. Бу кеше җавап биреп: “Әй Аллаһым, дөньяда мин Сиңа бик аз итәгать иттем, әмма хәзер Синнән соңгы әмерне алгач, мин Сиңа буйсынырга карар кылдым”, - дияр. Аллаһ аңа әйтер: “Хәзер, син Минем әмеремне шулкадәр хөрмәт иткәч, Мин сиңа җәннәтне бүләк итәм”.
Аллаһ Тәгалә икенче кешедән, ни өчен адым саен артына борылып карап баруы турында сорар. Бу кеше җавап биреп: “Әй Аллаһым, мин дөньяда яшәгәндә Синең рәхимлелегеңнән беркайчан да өмет өзмәдем, хәтта Син миңа җәһәннәмгә барырга әмер итсәң дә, атлаган саен артыма борылып карадым, бәлки Синең рәхимлелегең өстен чыгар (һәм Син мине гафу итәрсең) дип өметләндем”, - дияр. Аллаһ аңа әйтер: “Син шулкадәр Минем рәхимлелегемә тәвәккәлләгәнсең икән, Мин сиңа җәннәт бүләк итәм”.
Менә Аллаһ Тәгалә нинди Рәхимле!!!
