Малайзиядә «Россия-Ислам дөньясы» утырышы узды

Малайзиядә «Россия-Ислам дөньясы» утырышы узды

Куала-Лумпурда (Малайзия) «Россия-Ислам дөньясы» стратегик караш төркеменең күчмә утырышы узды. Утырыш «Формалашып килүче күпполярлык чорында Россия һәм ислам дөньясының үзара хезмәттәшлеге» дигән темага багышланды.

Утырышта Азия, Африка һәм Якын Көнчыгышның 32 иленнән, шулай ук халыкара оешмалардан 200 дән артык хакимият органнары вәкилләре, сәясәт, дин һәм җәмәгать эшлеклеләре катнаша. Алар арасында «Россия – Ислам дөньясы» стратегик караш төркеме Рәисе, Татарстан Республикасы Рәисе Рөстәм Миңнеханов; Татарстан Мөфтие Камил хәзрәт Сәмигуллин һәм «Россия-Ислам дөньясы» стратегик караш төркеме әгъзалары булган башка вәкилләр һәм чакырылган экспертлар бар.

«Россия – ислам дөньясы» стратегик караш төркеменең бу утырышы Малайзия җитәкчелеге теләктәшлегендә уздырылды. Россиянең ислам дөньясы белән мөнәсәбәтләре тарихында тагын бер әһәмиятле вакыйга нәкъ менә шушы ил белән бәйле: Президент В.В. Путин, 2003 елда Малайзиянең Путраджайя шәһәрендә Ислам конференциясе оешмасына кергән дәүләтләр һәм хөкүмәтләр башлыкларының X очрашуында чыгыш ясаганда, Россиянең Ислам Конференциясе Оешмасы эшчәнлегенә кушылу нияте барлыгы турында игълан иткщн иде. 2005 елда Россия, мөселман илләре ярдәме белән, бу халыкара структурада күзәтүче статусын алды.