Троицк шәһәрендә «Рәсүлев укулары» үткәрелде

Троицк шәһәрендә «Рәсүлев укулары» үткәрелде

Троицк шәһәрендә «Рәсүлев укулары» үткәрелде

Шәех Тәлгать Таҗетдин Чиләбе өлкәсенең Троицк шәһәрендә уздырылган 4 нче Бөтенхалык – 12 нче Бөтенроссия фәнни-практик «Рәсүлев укулары: тарихта һәм Рәсәйнең хәзерге заман тормышында Ислам» дип аталган конференциядә булды.

Рәсүлев укуларында 900дән артык хакимият вәкилләре, дин галимнәре, фәлсәфәчеләр, милли үзәк хезмәткәрләре, Рәсәйдән, якын һәм ерак чит илләрдәге дини һәм иҗтимагый оешмалар катнашты.

Быел форум Зәйнулла Рәсүлевның 190 еллыгына һәм Троицк мәдрәсәсенең оешуына 140 ел булуга багышланган иде.

Бу чараның рәсми өлешендә Пәйгамбәребез Мөхәммәд галәйһиссәләмнең нәселеннән булган Шәех Габдеразак әс-Сәиди, Рәсәй мөфтие Тәлгать Таҗетдин, Чиләбе өлкәсенең губернаторы Алексей Текслер кебек зур шәхесләр чыгыш ясады.

Шәех Тәлгать Таҗетдин форум кунакларын сәламләп болай диде: “2023 ел укытучылар һәм остазлар елы буларак игълан ителде. Беренче остазлар – Адәм һәм Һава, Аллаһның илчеләре һәм пәйгамбәрләр. Кешелек бу дөньяга килгәннән бирле гыйлем бирүчеләр. Әлбәттә, безнең ата-аналарыбыз, Аллаһ әмер иткәнчә, без бары тик Аллаһка гына гыйбадәт кылырга һәм ата-ананы хөрмәт итәргә тиеш булабыз. Шулай ук без гореф-гадәтләрне сакларга, ата-анага һәм остазларга карата игътибарлы булырга тиешбез”.

Төрле дин вәкилләре очрашкан форумнарда булган төп тема, ул рухи-әхлакый үсеш, дип Мөфти ассызыклап үтте.

Форум кунаклары Рәсүлия мәдрәсәсен зиярат иттеләр, шәкертләрнең укулары һәм торак йортлары белән таныштылар.

 

2026-08-01 (Рабигыль-әүвәл 1448 ел.) №8.


Апаста яңа “Мирас” пансионаты ачылачак

Апас районының шәһәр тибындагы Апас бистәсендә яңа уку елына “Мирас” пансионаты ачылачак. Бүген «Ярдәм-Помощь» Гомуммилләт хәйрия фонды ачылышка багышланган чаралар кысаларында массакүләм мәгълүмат чаралары вәкилләре өчен объектка матбугат туры оештырды. Журналистлар...


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...


Заманча сәнгатьтә «шамаил»

Шамаил – ул халык күзаллавында бертөрле гади генә күренеш түгел. Мондый каллиграфик рәсемнәрне нинди гыйбарә сурәтләнүенә карап еш кына эчтәлеге буенча атыйлар. Мөселман рәсеменең төп үзенчәлеге аның стилендә: ул Ислам каллиграфиясе сәнгатеннән үсеп чыккан, остаздан укучыга иснәд (чылбыр) аша...


СОРАУ-ҖАВАП

Кече хаҗ яки олы хаҗны кылып кайткан кешене зиярат итү сөннәт гамәл булып саналамы? Хаҗдан кайткан кешегә хөрмәт йөзеннән аны зиярат итү һәм дога кылуын сорау саваплы гамәл. Хәдистә әйтелгән: «Әгәр сез хаҗины очратсагыз, аны сәламләгез, кул биреп күрешегез ул өенә кергәнчегә кадәр сезнең...


Коръәни Кәримне аңларга теләсәң, хәлифәләр тормышын өйрән!

Аллаһ Тәгалә безгә Коръән Кәримне ике шәкелдә (формада) ирештерде. Беренчесе, китап рәвешендә, һәм без аны кулыбызга алып укый алабыз. Коръән Кәримдә әйтелгән: “Бу Китапта һичшиксез бернинди шик тә юк” (“әл-Бакара” сүрәсе, 2 аять)   Икенчесе, Аллаһ Тәгалә аны безгә...