Баш мөфти Тәлгать Таҗетдин түгәрәк өстәл утырышында катнашты
Уфада “Имамнарның Рәсәй хәрбиләре белән эшләрендәге актуаль сораулар” дип аталган түгәрәк өстәл утырышы уздырылды.
Уфада Үзәк Диния Нәзарәте оештырган чарада мөселман имамнары христиан дине руханилары белән бергә хәрби операциядә катнашучылар һәм башка дәүләт эшлеклеләре белән бергә түгәрәк өстәл артында җыелды.
Утырыш Коръән уку белән башланып китте. Рәсәйнең Үзәк Диния Нәзарәтенең администрация башлыгы мөфти Мөхәммәд Таҗетдинов утырышта катнашучыларны чын күңелдән сәламләде һәм уртак фикерләрнең барлыгын, туган сорауларны уртага салып сөйләшергә кирәклеген әйтеп үтте.
Рәсәйнең Баш мөфтие Шәйхел ислам Тәлгат Сафа Таҗетдин үзенең чыгышында тарихи аспектларга тукталып үтте. Бүгенге көндә илебез вәзгыятен саклаучы хәрбиләр белән бергә бу операциядә катнашуда рухи кыймммәтләрне саклау никадәр мөһим булуын ассызыклап үтте. Шулай ук бу операция кешеләрне берләштерүен дә һәм бу утырыш һичшиксез бердәм фикергә китерәчәгенә ышныч белдерде. Бу эшләр фикерләрнең ихласлыкка һәм бердәмлеккә дә бәйле булуын ассызыклады.
