Мөгаллимнәргә “Мөхәммәдия”нең юбилей медале тапшырылды
Мөгаллимнәргә “Мөхәммәдия”нең юбилей медале тапшырылды
Мөгаллимнәргә “Мөхәммәдия”нең юбилей медале тапшырылды
Казанның “Мөхәммәдия” мәдрәсәсендә Татарстан мөфтие, әлеге уку йорты директоры Камил хәзрәт Сәмигуллин республиканың ислам уку йортлары мөгаллимнәренә мәдрәсәнең 140 еллыгы юбилей медальләрен тапшырды. Аерым алганда, медальләрне Мөфти кулыннан бу мәдрәсәне төрле елларда тәмамлап, хәзерге вакытта “Мөхәммәдия”нең үзендә, Казанның Ислам кабул итүгә 1000 ел исемендәге, Мамадыш, Әлмәт, Кукмара, Буа, Урыссу мәдрәсәләрендә белем бирүче мөгаллимнәр алды.
Мөфти үзенең үгет-нәсихәтләрен җиткереп, Пәйгамбәребезнең ﷺ “Кем кешеләргә рәхмәт әйтә белмәсә, Аллаһка да рәхмәтле була алмас» дигән хәдисен китереп, мөгаллимнәрнең хезмәтен югары бәяләде.
Коръән уку һәм дога кылу белән башланып, җылы рухта узган очрашуда Буа имам-мөхтәсибе Илмир хәзрәт Хәсәнов һәм Казанның Ислам кабул итүгә 1000 ел исемендәге мәдрәсә директоры урынбасары Аяз Мингалиев шәкерт чакларындагы хатирәләре белән уртаклашты.
Мәдрәсәнең беренче директоры Вәлиулла хәзрәт Якуповтан соң озак еллар җитәкче вазифасында булган Наил хәзрәт Яруллин, чыгыш ясады. Вәлиулла хәзрәтнең үз вакытында мәдрәсәгә бик күп әзерлекле укытучылар җәлеп итүен искә төшерде.
Чыганак: dumrt.ru
