Татарстан һәм Волгоград өлкәсе Мөфтиләренең дусларча очрашуы булды

Татарстан һәм Волгоград өлкәсе Мөфтиләренең дусларча очрашуы булды

Мөфти Бата Кифах Мөхәммәд Волжск шәһәрендәге Волгоград мөфтияте каршындагы Пәйгамбәребез Мөхәммәд галәйһиссәлам исемендәге рухи мәдәни үзәктә Мөфти Камил хәзрәт Сәмигуллин җитәкчелегендәге Татарстан мөфтияте делегациясен кабул итте. Очрашуда Казан казые Булат хәзрәт Мөбарәков, Казанның «Ирек» мәчете имам-хатыйбы Тимур хәзрәт Камаев, Арча районы имам-мөхтәсибе Әмир хәзрәт Миңнемуллин һәм Татарстан мәчетләре мәхәлләләре, шулай ук Волгоград өлкәсе имамнары, мөгаллимнәре һәм шәкертләре катнашты.

Казан кунаклары Волжскига МХОдагы сугышчылар яныннан кайтып килгәндә кереп чыкты.

Камил хәзрәт очрашу истәлеге итеп Волгоград өлкәсе мөселманнары Үзәк Диния нәзарәте «Волгоград мөфтияте»нә Казан кулъязма Коръәненең берничә нөсхәсен бүләк итте һәм Мөфти Бата Кифах Мөхәммәдкә аның үзенчәлекләре турында сөйләде. Хөрмәтле Мөфти Казан галимнәре башкарган эшне югары бәяләде һәм Камил хәзрәткә кыйммәтле бүләк өчен рәхмәт әйтте.

Казан кулъязма мүсхәфе, Татарстан Нәзарәте аны 2026 елның маенда Бөтендөнья татар конгрессы оештырган Бөтенроссия дин әһелләре форумының һәр делегатына бүләк иткәннән соң, илнең һәр төбәгенә диярлек таралды.

2026-08-01 (Рабигыль-әүвәл 1448 ел.) №8.


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...


Ата белән ул арасы-ндагы гаҗәеп мөнәсәбәт

Габдуллаһ ибне Мөбарәкнең (Аллаһның рәхмәтендә булсын) атасы кол булган. Ул хуҗасының бакчасында хезмәт иткән. Беркөнне хуҗасы бакчага кереп: «Улым! Миңа гранат китер», - дип сораган.   Мөбарәк гранатны алып хуҗасына биргән. Хуҗа аны татып карый да бик әчы булуын аңлый, хәтта...


Кайбыч мөхтәсибәтендә «Кошман укулары» фәнни конференциясе узды

Кайбыч районы Кошман авылында «Кошман укулары» фәнни конференциясе узды, ул сөннәтче бабайларның роле һәм әһәмиятенә багышланды – алар ир балаларны сөннәткә утырту белән шөгыльләнгән.   Әлеге чараны Кайбыч мөхтәсибәтенең Кошман авылы мәчете һәм Казанның Ислам динен кабул...


Заманча сәнгатьтә «шамаил»

Шамаил – ул халык күзаллавында бертөрле гади генә күренеш түгел. Мондый каллиграфик рәсемнәрне нинди гыйбарә сурәтләнүенә карап еш кына эчтәлеге буенча атыйлар. Мөселман рәсеменең төп үзенчәлеге аның стилендә: ул Ислам каллиграфиясе сәнгатеннән үсеп чыккан, остаздан укучыга иснәд (чылбыр) аша...


Коръәни Кәримне аңларга теләсәң, хәлифәләр тормышын өйрән!

Аллаһ Тәгалә безгә Коръән Кәримне ике шәкелдә (формада) ирештерде. Беренчесе, китап рәвешендә, һәм без аны кулыбызга алып укый алабыз. Коръән Кәримдә әйтелгән: “Бу Китапта һичшиксез бернинди шик тә юк” (“әл-Бакара” сүрәсе, 2 аять)   Икенчесе, Аллаһ Тәгалә аны безгә...