Татлы пирог

Камыр өчен кирәк:

Җылы су – 100 мл;

Ак май – 180г. ( бүлмә.темп);

Йомырка – 1 данә;

Коры чүпрә – 11г. ( саф момент);

Шикәр комы – 1 аш кашыгы;

Тоз – ярты чәй кашыгы;

Он – 350-400г (камыр күпме ала)

моннан ясалган камыр 2 пирогка җитә.

Эчлек өчен кирәк:

Күрәгә – 300г;

Әстерхан чикләвеге – 80-90г;

Куертылган сөт

Әзерләү ысулы:

Иң элек эчлек ясыйбыз.Күрәгәне яхшылап юарга, кайнаган суда берничә сәгатькә калдырырга (мин 2 сәгатькә калдырдым) 300 г күрәгәгә һәм 200 мл су алына. Йомшаргач, иттарткычтан яки блендер аша чыгарырга. Әз генә су өстәргә.

Камыр басарга: 100 мл суга чүпрә салырга. Апарага май, йомырка, тоз, шикәр комы, он сала-сала камыр басарга. Өстенә сөлге каплап, бер сәгатькә калдырырга. Аннары камырны икегә бүлеп, җәяргә.

Эчлек салырга: беренче кат – күрәгә, икенчесе – әстерхан чикләвеге, аннан –куертылган сөт. 180° духовкага 15-30 минутка куярга.

Искәрмә: бу камырдан сметанник та пешереп була

Ашларыгыз тәмле булсын!