«Яшелчәләр патшасы» (кышка салат)

«Яшелчәләр патшасы» (кышка салат)

Кирәк:

2 кг – төрле төстәге болгар борычы

2 кг – баклажан;

500 гр – кишер;

200 гр – сарымсак;

300 гр – петрушка;

1 данә – үткен борыч;

Маринад өчен:

2 литр – өйдә ясалган помидор согы;

50 гр – тоз;

150 гр – шикәр комы;

100 гр – 9 %лы уксус;

0,5 литр – сыек май (иссез);

Әзерләү ысулы:

Баклажанны эре телемләп турап тозларга һәм 30 минутка калдырырга. Борычны орлыкларыннан чистартып шулай ук эре телемләп турарга. Кишерне түгәрәкләп кисәргә. Сарымсакны сезгә уңайлы булган ысул белән вакларга, петрушканы ваклап турарга.

Маринад әзерләү ысулы:

Калын төпле савытта помидор согын кайнатырга, тоз, шикәр комы, сыек май, уксус салырга, шунда әзерләнгән яшелчәләрне салырга. Башта кишерне, аннары баклажанны тозлы суыннан чайкап алып бергә салырга, соңыннан болгар борычын да салып 40 минут пешерергә. Пешеп чыгарга 15 минут кала сарымсак һәм петрушканы, озынчалап туралган үткен борычны салырга.

Әзер кабымлыкны стериль-ләшкән банкаларга тутырып капкач белән ябып куярга һәм суынганчыга кадәр томалап куярга.

Ашларыгыз тәмле булсын!