Бакы пәхләвәсе

Бакы пәхләвәсе

Камыр өчен:

500 гр он

200 мл каймак

200 гр ак май

1 йомырка

1 чәй кашыгы камыр көпшәкләндергеч бер чеметем тоз.

Бүлмә температурасында җебетелгән майга каймак, йомырка салырга, яхшылап болгатырга. Онга камыр көпшәкләндергечне салып бутарга да, онны аз-азлап салып, камыр басарга. Әзер камырны 15-20 минут холодильникта ял иттерергә. Камырны 6 яки 7 кисәккә бүләрг (җәйгәндә җиңел булсын өчен). Кунага бераз он сибеп, камырны бик юка итеп җәяргә (камыр никадәр юка булса, шуның кадәр әйбәт).

Иң астагы җәем зуррак булса, яхшырак.Һәрбер җәем арасына эчлекне салып өеп менәбез. Өстен йомырка белән майлап, үткен пычак белән ромбиклап кисәргә.Иң аскы җәемне кисмәскә тырышыгыз. 200 градус эсселектәге духовкада 15-20минут пешереп алганнан соң, араларына эретелгән май салып, яңадан пәхләвә пешеп җиткәнче, духовкага озатырга. Өсте кызарып пешкәч, алырга да сироп салып куярга. 1-2 сәгатьтән пәхләвә әзер Сироп өчен: 250 гр шикәр комы 200 мл су 2-3 аш кашыгы бал. Суга шикәр комы салып, газга утыртырга.

Шикәр комы эреп беткәнче болгатырга. Кайнап чыккач, уртача утта 5-7 минут тотарга (бик еш болгатмаска). Газдан алгач кына балны салып болгатырга. Эчлек өчен: 2 стакан ярым әстерхан чикләвеге 1 стакан шикәр комы Әстерхан чикләвеген ваклап ( мин комбайнда ваклаттым, уклау белән дә ваклап була) шикәр комы белән кушарга. 1 йомырка өстен майларга кирәк; 50 грамм эретелгән сыер маен арасына салырга.

Әзерләү ысулы:

Майланган табага җәймәне җәярг, өстенә эчлек салырга, шулай берәм-берәм барсын да эслеэсле куеп чыгарга. Иң өстә җәймә була. Аннан бик сак кына ромбикларга кисеп чыгарга, өстенә йомырка сарысы сөртергә, ромбиклар өстенә чикләвек куеп чыгарга. 200 градуслы мичтә 40 минут чамасы пешерергә. Аннан мичтән алгач 50 грамм ак май кушып эретелгән 2 аш кашыгы балны пирог остенә сибеп чыгарга. Тагын 5-10 минутка мичкә куеп алырга.