Хөсетлек турында
Габдерахман бин Мөгавиядән (Аллаһ аңардан разый булсын) риваять ителә: дөреслектә, Пәйгамбәребез галәйһиссәләм әйтте: “Өч нәрсә, алардан һичберәү котыла алмас: начар уй, көнчелек һәм яман юрау”. Әйтелде: “Ий Аллаһның Илчесе галәйһиссәләм, ул өч нәрсәдән нәрсә коткара?” Пәйгамбәребез галәйһиссәләм әйтте: “Әгәр көнләшсәң, җәберләмә, ягъни әгәр күңелеңдә көнчелек булса, аны тышка чыгарма һәм аны яманлык белән искә алма. Чөнки Аллаһ Тәгалә бу көнчелек турында тел һәм гамәл белән кылмаган вакытта, күңелеңдә булган уйларың өчен сине хисап кылмас”. Янә Пәйгамбәребез галәйһиссәләмнең сүзе: “Әгәр яман уй уйласаң, аны тышка чыгарма”. Ягъни әгәр мөселман турында начар уй уйласаң, чынлыкта күреп белмәгән очракта, моны кылма.
Шулай ук Әбү Һөрәйрәдән (Аллаһ аңардан разый булсын) риваять ителә: Пәйгамбәребез галәйһиссәләм әйтте: “Ачуланышмагыз, көнләшмәгез, һәм сатуда алдашмагыз. Аллаһның бәндәләренә кардәш булыгыз”.
Мөгавия (Аллаһ аңардан разый булсын) улына нәсихәт итеп әйтте: “Әй улым,сиңа көнчелектән саклану ләзем булсын, чөнки көнчелек доошманыңда күренгәнчегә кадәр әүвәл синдә күренер”.
