ХIарачат бума
ХIарачат бума
Гьанттайннай Мусал телефон зяр тIун диркIуна. ОьвтIимагу ия зунттавусса шяраву ялапар хъанахъисса ттатта.
– Ас-саламу аьлайкум, ттаттай! Цукун ура? – увкуна Мусал, телефон гьаз дайхту.
– Вааьлайкум ас-ссалам, ттул арс! Щукру Аллагьнайн ﷻ, оьккину акъара. Зу цукун буру, цIусса ци хаварду бур? – цIувххуна ттаттал.
– Жугу ххуйну буру, ттаттай. Мямма ва дада цIуллуну бур. Нагу уссияв дарсру дуллай. ЦIана хъатIан чакгу бувну шанан утту ишинна, кIюрххил чIумуй изан хьуншиврул, – увкуна Мусал.
– МашааЛлагь, ина цIуллу ивуй! Жунма цукунчIав къабучIиссар дунияллул давурттахух лавгун диндалулми ишру хъама битлан. Мунияту мудан кIивайвагу ишру щаллу буллан аьркинссар. Чак кьабитангу цукунчIав къабучIиссар. Хаснува, утту ишайни нанижат дикIан аьркинссар кIюрххицIун чак буван изансса, – увкуна ттаттал.
– Хъинни, ттаттай, на хIарачат булланна! – увкуна оьрчIал.
