Идавс ﷺ ххираминнал конкурс

Идавс ﷺ ххираминнал конкурс

Бусурманнал дянив Рабиуль-Авваль зурун хасну бувай жура-журасса мажлисру, мавлудру, Идавсил ﷺ оьрмулиясса конкурсру. Мукунсса конкурс бувунни уттигъанну ЦIуминалийсса ЦIуссалакрал райондалий (Новострой).

 

Райондалул имам Аьбдуллагь МухIаммадовлул бувсунни цала сипталийну бувсса конкурсрая: «Ва бяст-ччал баврил агьаммур мурад бивкIссар жула ялун нанисса никиран, дуклаки оьрчIан МухIаммад Идавсил ﷺ оьрмулул тарих кIул баву, ганахсса ччаву дакIурдиву цIакь даву, диндалух гъира бутаву. ДукIугу бувссия укунмсса конкурс, Аллагьнайн ﷻ щукру, гьашинугу буван бювхъунни.

Шикку цалчинмур кIану бувгьуманан бахшишну дуссия 17-мур Айфон. Гихунмайсса 15 кIану бувгьуминнангу дуллуссия кьиматсса бахшишру. Конкурс бувссия «Идавсил оьрмулиясса 400 суал тIисса луттирайн бувну.

Гьашину цалчинмур кIану бувгьунни МухIаммадаминова Шуаьйнатлул, кIилчинмур – Бердиханова Марьямлул, шамулчинмур – Муртазалиева ПатIиматлул. Барча буллай ура хьхьичIунсса кIантту бувгьуми!»

 

 

 

2026-09-01 (Рабиуль-Авваль 1448 ш.) №9.


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....