Арсру
КIива хъамитайпа бивкIун бур щаращуя щинал буцIлай. Ялун бувкIун бур ялагу ца. ЧIарав кьунттуй щяивкIун ивкIун ур ца къужагу.
Ца хъамитайпалул гамунихь увкуну бур:
– Ттул арс спортсменни, ганащал лаяйсса, га ух уван шайсса цучIав акъассар.
– Ттулманал щилнияргу ххуйну балай учайссар, ганал кунмасса чIу щилчIав бакъассар, - увкуну бур гамунил. Шамулчинмур тIурча, ссихI къадуклай бивкIун бур.
– Вилама арсная циван къабусара? – цIувхуну бур ганихь.
– Ци бусави? – увкуну бур шамулчинмунил. – Бакъархха ганаву личIисса гьунарду.
Чансса хIаллава хъами шаппай бавчуну бур, кIусса, хъюлчу тIисса щинал бадрардугу лавсун. Къужагу ивзун гайннал хъирив авчуну ур. Хъами жагь най, жагьгу бигьалаган бацIлай бивкIун бур – ттиликI ва кару цIун хъанай.
Микку гайннал хьунин бувккун бур шама оьрчI. Ца ивкIун ур къутри дуллай – циняв махIатталну буруглаги буллай. Вама – булбулданул чIуний балай тIий – халкь хIайран буллай. Шамулчинма тIурча, левчуна ниттичIан увкIун, ганища кIусса бадрардугу лавсун авчуну ур.
Хъаннил цIувххуну бур къужлухь:
– Ккавкрив жул арсру, гайннал гьунарду?!
– Чув бур зул арсру? - куну бур къужлул. – Ттун шикку так ца арс акъа чIалай акъар!
