КIия уссу

БивкIун бур ца шяраву кIия уссу. Га цаннал диркIун дур щарссагу, оьрчIругу. Цагу ивкIун ур цувалусса.

Уссурвал бакI бивкIун бур. Гьарзат дарчIуну дур. ЛувчIин-кьурувува ливчIун бур гайннал къама бивчусса сурду.

Хъунама уссил лавгун, кьюлтIницIух къама чIивима уссил сувун бичайсса бивкIун бур:

– Ттул щарсса ва оьрчIру бур. Зунссар. Лякъинссар. Уссил, цаяла ххишала цучIав акъар. Ванан бикIича вай къама, – чайсса бивкIун бур цахьва цала.

Амма чIивиманалгу, кьюлтIну лавсун, цаламур сувату къама, уссилмунивун бичайсса бивкIун бур:

– На ца ура. Ччини ялапар хьунссара. Уссил кулпат хъунни. Ганан бикIуча! – чайсса бивкIун бур таналгу цахьва цала.

Укун бусса оьрмулухун бавкьуну ялапар хьуссия тIар кIиягу уссу. Цаягу цичIар чаннугу къаливч!ссия тIар. Гай цивппагу уссур-ссуннангу, жяматрангу бусравнугу бивкIссия тIар.

Аминат Аьлиева

2026-07-01 (МухIаррам 1448 ш.) №7.

Жунма кIулсса куццуй, ЦIуминалийсса ЦIуссалакрал шяраву буллай бур хъунмасса РувхIанийсса центр ва мадраса. Ванин дирзун дур машгьурсса щейх Сайфуллагь-Кьади Башларовлул цIа. ХIакьину ва даврий каялувшиву дуллай ур ЦIуссалакрал райондалул имам Аьбдуллагь МухIаммадов. Ванал жухь бувсунни мадраса...

Хъинсса хасият думанан муния хайр бияйссар дунияллий ва ахиратраву, муния бувсун бур хIадисраву. Ца чIумал Аьббаслул Идавсихь ﷺ цIувххуссар: «Я Расулуллагь, вий аякьа дуллай ивкIунтIий АбутIалиблун ахиратраву мюнпат биянтIиссарив?» «БиянтIиссар, ттуй аякьа къадурссания, га...

КIия инсан куннайн ку данди буклакисса спортрал журардая Исламраву ци увкуну бур? Цувагу, цала чIаравмигу буруччинсса ниятрай спортрахун багьаву, чурххал цIуллушиву дуруччаву Исламраву хъинчулий ккаккан дурну дуссар. Аммарив цаппара шартIру дусса спортрал журарду бунагьссар: Данди буккаврил ягу...

Сафар барз – бусурманнал календарьданул кIилчинмур барзри, му байбишайссар мухIаррам зурул хъирив. «Сафар» тIисса мукъул мяънагу – «хъахъи лагаву» ягу «бачIва шаву» тIиссар. Литературалул чулуха ва махъ аьрабрая таржума буллай бур «щютI тIисса...

Ца билаятрай къурагъсса шин хьуну, щин чан хьуну диркIун дур. Гиккусса ца мискинсса адиминан пикри хьуну бур, щин дукканхьуви тIий, аьрщараву къуй дуккан. Дуклай чансса куртI шайхту лявкъуну бур ссаллив бувцIусса хъунмасса буттукьа. Га тIивтIусса адимина хIайран хьуну ливчIун ур гиву думур...

КIия уссу