УрчIамур каних ласи!
УрчIамур каних ласи!
Цаппараннал пикри къабувай цала дукра цумур каних канай буссарив. Куямур каних за дукаву ягу хIачIия хIачIаву жула диндалуву кара́гьатну (дурну къахъинмурну) ккаккан дурну дур. Цаппара аьлимтурал тIимунин бувну, куямуних дукаву хIарамссар, бунагьссар кунугума бур.
Мукунсса хIукму баврил аслугу хъанахъиссар МухIаммад Идавсил ﷺ хIадис. Оьмар ибн Абу Салам тIисса асхIабнал увкуну бур: «Жагьилний на цал уссияв Идавсил къатлуву. Дукралух щябивкIсса чIумал на пикри къабувну, супралий дирхьумур хъап шап тIий ласлай канай уссияв. Микку Идавсил ﷺ увкуна: «Да жагьил, «Бисмиллагь» увкуну, урчIамур каних дуки вила хьхьичI думур!» (Сунан Ибн Мажагь). Цамур хIадисраву увкуну бур: «Куямур каних дукра мадукари, куямуних щяйтIаннуллича дукайсса» (Муслим).
Ххирасса уссурвал ва ссурвал, жула диндалул адавраву пикрибакъашиву мадувари, щяйтIаннуха малащари, дукра дукайни ва хIачIия хIачIайни урчIамур ка ишла дувара!
